Ótken táýlikte Qazaqstanda 2590 adamnyń analizinen koronavirýs anyqtaldy. Eń kóp naýqas Nur-Sultanda tirkelgen. Munda bir kúnde 764 adamnyń koronavirýs testi oń shyqqan. Qaraǵandyda – 468, Almatyda – 353, Batys Qazaqstan oblysynda – 143, Shymkentte – 103, Atyraý oblysynda – 103, Mańǵystaý oblysynda 107 naýqas tirkelgen. Eń az naýqas Soltústik Qazaqstanda (27) tirkelgen.
Qazaqstanda "úndistandyq shtamnyń" taralyp jatqany jaily aqparat shyqqaly beri koronavirýs juqtyrǵandar kóbeiip jatyr. Juma kúni densaýlyq saqtaý ministrligi "úndi shtamyn anyqtaý úshin 414 synamanyń PTR skriningi ótkizildi, 48,3 paiyzynda úndi shtamy - Nur-Sultan, Almaty men Shymkent qalalarynda anyqtaldy" dep málimdedi.
30 maýsymda 76 adamnan pnevmoniianyń koronavirýsqa uqsas túri (koronavirýs pnevmoniiasy) anyqtalǵan. Bir kúnde 27 adam koronavirýstan qaitys bolǵan: 24 adam – koronavirýstan, 3 adam koronavirýs pnevmoniiasynan kóz jumdy dep aitylady.
2020 jyldyń naýryz aiynan beri elde 428 163 adamnyń koronavirýs testi oń shyqqan. Sodan beri 4 399 adam qaitys bolǵan. 1 tamyzdan beri 57 189 adam koronavirýs pnevmoniiasyna shaldyqqan, 3 452-si qaitys bolǵan.
2 shildedegi málimet boiynsha, 27 261 adam koronavirýs infektsiiasynan (–25 938 + jáne 1323 KVI-) emdelip jatyr. Olardyń ishinde 8 255 patsient - statsionarda, 19 006 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
• 517 adamnyń jaǵdaiy aýyr,
• 118 patsienttiń jaǵdaiy óte aýyr,
• 72 naýqas ÓJJ apparatynda jatyr.
Qazaqstanda koronavirýsqa qarsy vaktsinanyń keminde birinshi dozasyn alǵandar 3 mln 502 myń adamǵa jetti. 2 mln 86 myń adamǵa vaktsinanyń eki dozasy salynǵan.
Djons Hopkins ýniversitetiniń málimetinshe, indet bastalǵaly beri álemde 182 mln 589 myń adam koronavirýs aýrýyna shaldyqqan. 3 mln 954 myń adam qaitys bolǵan. Koronavirýs juqtyrǵandar sany jóninen Qazaqstan álemde 45-orynda tur.
