28 maýsymda Qazaqstanda taǵy 1321 adamnyń koronavirýs testi rastaldy. Bir kún ishinde tirkelgen naýqastar jóninen Nur-Sultan qalasy áli alda tur. Dúisenbi kúni munda 370 naýqas anyqtalǵan. Bir kún buryn qalanyń qoǵamdyq densaýlyq saqtaý basqarmasy aýrýhanalardyń 70 paiyzǵa tolǵanyn málimdegen.
Dúisenbi kúni Qaraǵandy qalasynda – 288, Almatyda 126 adamnan koronavirýs anyqtalǵan. Qalǵan oblystar men qalalarda tirkelgen naýqastar júzge jetpeidi.
Almaty qalasynyń bas sanitar dárigeri Jandarbek Bekshin dúisenbi kúni qyzmetkerleri koronavirýsqa qarsy vaktsina almaǵan ujymnyń 80 paiyzy qashyqtan jumys isteýi tiis dep málimdedi.
Elde koronavirýstyń "úndistandyq shtamy" anyqtalǵany jaily aqparat taraǵannan keiin naýqastardyń qaita kóbeigeni baiqalady. Mamandardyń aitýynsha, "úndistandyq shtamm" koronavirýstyń kádimgi túrine qaraǵanda tez juǵady, aýrýdyń asqyný yqtimaldyǵy joǵary.
Qazir koronavirýstyń taraýy boiynsha Nur-Sultan, Almaty qalalary, Atyraý, Batys Qazaqstan jáne Qaraǵandy oblystary – "qyzyl aimaqta", Shymkent qalasy, Aqmola, Aqtóbe, Qostanai, Qyzylorda jáne Mańǵystaý oblystary – "sary aimaqta", Almaty oblysy, Jambyl, Shyǵys Qazaqstan, Pavlodar, Soltústik Qazaqstan jáne Túrkistan oblystary – "jasyl aimaqta".
27 maýsymda 2 adamnan pnevmoniianyń koronavirýsqa uqsas túri (koronavirýs pnevmoniiasy) anyqtalǵan. Bir kúnde 23 adam qaitys bolǵan: 20 adam – koronavirýstan, 3 adam pnevmoniiadan kóz jumdy dep aitylady.
2020 jyldyń naýryz aiynan beri elde 421 121 adamnyń koronavirýs testi oń shyqqan. Sodan beri 4 336 adam qaitys bolǵan. 1 tamyzdan beri 56 942 adam koronavirýs pnevmoniiasyna shaldyqqan, 3 446-sy qaitys bolǵan.
Qazir 24 myńnan astam adam koronavirýstan emdelip jatyr. Basym bóliginiń PTR testi oń shyqqan. Olardyń ishinde - 7 125 patsient statsionarda, 16 897 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
• 485 adamnyń jaǵdaiy aýyr,
• 104 patsienttiń jaǵdaiy óte aýyr,
• 70 naýqas ÓJJ apparatynda jatyr.
Qazaqstanda koronavirýsqa qarsy vaktsinanyń keminde birinshi dozasyn alǵandar 3 246 795 adamǵa jetti. 1 954 372 adamǵa keminde eki dozasy salyndy.
Djons Hopkins ýniversitetiniń málimetinshe, indet bastalǵaly beri álemde 181 mln 374 myń adam koronavirýs aýrýyna shaldyqqan. 3 mln 928 myń adam qaitys bolǵan. Koronavirýs juqtyrǵandar sany jóninen Qazaqstan álemde 45-orynda tur.
Aimaqtar boiynsha koronavirýs juqtyrǵandar sany: Nur-Sultan qalasy - 370, Almaty qalasy - 126, Shymkent qalasy - 33, Aqmola oblysy - 44, Aqtóbe oblysy - 10, Almaty oblysy - 43, Atyraý oblysy - 66, Shyǵys Qazaqstan oblysy - 65, Jambyl oblysy - 31, Batys Qazaqstan oblysy - 63, Qaraǵandy oblysy - 288, Qostanai oblysy - 45, Qyzylorda oblysy - 17, Mańǵystaý oblysy - 25, Pavlodar oblysy - 45, Soltústik Qazaqstan oblysy - 15, Túrkistan oblysy - 35.
Sonymen qatar, keiingi táýlikte 1262 adam koronavirýstan aiyǵyp shyqty.
Aimaqtar boiynsha: Nur-Sultan qalasy - 313, Almaty qalasy - 147, Shymkent qalasy - 5, Aqmola oblysy - 28, Aqtóbe oblysy - 29, Almaty oblysy - 43, Atyraý oblysy - 115, Shyǵys Qazaqstan oblysy - 57, Jambyl oblysy - 71, Batys Qazaqstan oblysy - 84, Qaraǵandy oblysy - 130, Qostanai oblysy - 45, Qyzylorda oblysy - 23, Mańǵystaý oblysy - 2, Pavlodar oblysy - 105, Soltústik Qazaqstan oblysy - 42, Túrkistan oblysy - 23.
Qazaqstan boiynsha aýrýdan aiyqqandar sany - 394 039.
