Qazaqstanda QR Memlekettik qyzmet isteri agenttigi quryldy, dep habarlaidy "Ult aqparat" Aqordaǵa silteme jasap.
QR Prezidenti Qasym-Jomart Toqaevtyń Memlekettik basqarý júiesin jetildirý jónindegi sharalar týraly Jarlyǵymen Qazaqstan Respýblikasynyń Memlekettik qyzmet isteri jáne sybailas jemqorlyqqa qarsy is-qimyl agenttigi Qazaqstan Respýblikasynyń Memlekettik qyzmet isteri agenttigi bolyp qaita ataldy.
«Qazaqstan Respýblikasy Konstitýtsiiasynyń 44-babynyń 5) tarmaqshasyna, «Qazaqstan Respýblikasynyń Prezidenti týraly» Qazaqstan Respýblikasy Konstitýtsiialyq zańynyń 17-1-babyna sáikes memlekettik qyzmet júiesin jáne sybailas jemqorlyqqa qarsy is-qimyldy odan ári jetildirý maqsatynda QAÝLY ETEMIN:
Qazaqstan Respýblikasynyń Memlekettik qyzmet isteri jáne sybailas jemqorlyqqa qarsy is-qimyl agenttigi Qazaqstan Respýblikasynyń Memlekettik qyzmet isteri agenttigi bolyp qaita atalsyn. Qazaqstan Respýblikasynyń Memlekettik qyzmet isteri agenttigi memlekettik qyzmet jáne memlekettik kórsetiletin qyzmetterdiń sapasynyń saqtalýyn baqylaý salasyndaǵy ýákiletti memlekettik organ bolyp tabylady dep belgilensin», delingen qujatta.
QR Prezidentiniń Ákimshiligi QR Qaýipsizdik Keńesiniń apparatymen birlesip bir ai merzimde memleket basshysynyń qaraýyna QR Memlekettik qyzmet isteri agenttiginiń tóraǵasymen birge agenttik týraly erejeniń jobasyn, agenttiktiń shtat sanyn qaita bólý jóninde usynystar engizýi tiis.
