Memleket basshysynyń Jarlyǵymen Qazaqstanda sybailas jemqorlyqqa qarsy is-qimyl agenttigi quryldy. "Ult aqparat" Aqordanyń baspasóz qyzmetine silteme jasai otyryp Prezident Jarlyǵynyń tolyq mátinin jariialaidy.
Memlekettik basqarý júiesin jetildirý jónindegi sharalar týraly
Qazaqstan Respýblikasy Konstitýtsiiasynyń 44-babynyń 5) tarmaqshasyna, «Qazaqstan Respýblikasynyń Prezidenti týraly» Qazaqstan Respýblikasy Konstitýtsiialyq zańynyń 17-1-babyna sáikes memlekettik qyzmet júiesin jáne sybailas jemqorlyqqa qarsy is-qimyldy odan ári jetildirý maqsatynda QAÝLY ETEMIN:
1. Qazaqstan Respýblikasynyń Memlekettik qyzmet isteri jáne sybailas jemqorlyqqa qarsy is-qimyl agenttigi Qazaqstan Respýblikasynyń Memlekettik qyzmet isteri agenttigi bolyp qaita atalsyn. Qazaqstan Respýblikasynyń Memlekettik qyzmet isteri agenttigi memlekettik qyzmet jáne memlekettik kórsetiletin qyzmetterdiń sapasynyń saqtalýyn baqylaý salasyndaǵy ýákiletti memlekettik organ bolyp tabylady dep belgilensin.
2. Qazaqstan Respýblikasynyń Memlekettik qyzmet isteri jáne sybailas jemqorlyqqa qarsy is-qimyl agenttiginiń Sybailas jemqorlyqqa qarsy is-qimyl ulttyq biýrosy (Sybailas jemqorlyqqa qarsy qyzmet) Qazaqstan Respýblikasynyń Prezidentine tikelei baǵynatyn jáne esep beretin memlekettik organ retinde Qazaqstan Respýblikasynyń Sybailas jemqorlyqqa qarsy is-qimyl agenttigi (Sybailas jemqorlyqqa qarsy qyzmet) bolyp qaita qurylsyn. Sybailas jemqorlyqqa qarsy is-qimyl agenttigi (Sybailas jemqorlyqqa qarsy qyzmet) sybailas jemqorlyq qylmystyq quqyq buzýshylyqtaryn anyqtaýdy, jolyn kesýdi, ashýdy jáne tergeýdi júzege asyratyn quqyq qorǵaý organy bolyp tabylady dep belgilensin.
3. «Qazaqstan Respýblikasy Prezidentiniń Ákimshiligi týraly erejeni bekitý týraly» Qazaqstan Respýblikasy Prezidentiniń 2008 jylǵy 11 naýryzdaǵy №552 Jarlyǵyna (Qazaqstan Respýblikasynyń PÚAJ-y, 2008 j., № 12-13, 116-qujat) mynadai ózgeris pen tolyqtyrý engizilsin:
joǵaryda atalǵan Jarlyqpen bekitilgen Qazaqstan Respýblikasynyń Prezidentine tikelei baǵynatyn jáne esep beretin memlekettik organdardyń tizbesinde:
«Qazaqstan Respýblikasynyń Memlekettik qyzmet isteri jáne sybailas jemqorlyqqa qarsy is-qimyl agenttigi» degen jol mynadai redaktsiiada jazylsyn: «Qazaqstan Respýblikasynyń Memlekettik qyzmet isteri agenttigi»;
mynadai mazmundaǵy jolmen tolyqtyrylsyn:
«Qazaqstan Respýblikasynyń Sybailas jemqorlyqqa qarsy is-qimyl agenttigi (Sybailas jemqorlyqqa qarsy qyzmet)».
4. Qazaqstan Respýblikasy Prezidentiniń Ákimshiligi Qazaqstan Respýblikasy Qaýipsizdik Keńesiniń Apparatymen birlesip bir ai merzimde:
1) Qazaqstan Respýblikasy Prezidentiniń qaraýyna Qazaqstan Respýblikasynyń Memlekettik qyzmet isteri agenttiginiń jáne Qazaqstan Respýblikasynyń Sybailas jemqorlyqqa qarsy is-qimyl agenttiginiń (Sybailas jemqorlyqqa qarsy qyzmet) tóraǵalarymen birlesip: agenttikter týraly erejelerdiń jobalaryn;
Qazaqstan Respýblikasynyń Memlekettik qyzmet isteri jáne sybailas jemqorlyqqa qarsy is-qimyl agenttiginiń shtat sanyn qaita bólý jóninde usynystar engizsin.
2) osy Jarlyqty iske asyrý jóninde ózge de sharalardy qabyldasyn.
5. Osy Jarlyq qol qoiylǵan kúninen bastap qoldanysqa engiziledi.
