Qazaqstanda 1 naýryzdan bastap avtogaz quiý stansalarynda suiytylǵan munai gazynyń bólshek saýda baǵasyn ýaqytsha memlekettik retteý alynyp tastaldy. Bul týraly QR Energetika ministrligi gaz jáne munai-gaz-himiia departamentiniń direktory Qýanysh Sársekeev aityp berdi, dep habarlaidy QazAqparat.
2020 jyldyń sáýirinde QR Prezidenti janyndaǵy TJ rejimin qamtamasyz etý jónindegi memlekettik komissiia sheshimimen avtogaz quiý stantsiialarynda kólikterge janarmai quiý úshin suiytylǵan munai gazyn ótkizýge ýaqytsha memlekettik baǵa retteý engizilgen edi.
«Qazirgi ýaqytta avtogaz quiý stansalaryndaǵy bólshek saýda baǵasyn naryq suranys pen usynystardy eskere otyryp belgileidi. Energetika ministrligi suiytylǵan munai gazynyń bólshek saýda baǵasyna taldaý júrgizdi jáne avtogaz quiý stantsiialaryndaǵy qazirgi baǵa pandemiiaǵa deiingi 2020 jyldyń 1 toqsanyna qaraǵanda respýblika boiynsha orta eseppen 5%-ǵa tómen. Iaǵni, qazirgi naryq baǵasy buryn qoldanysta bolǵan baǵadan da tómen», - dedi spiker Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, Energetika ministrligi ai saiyn ishki naryqqa suiytylǵan munai gazyn jetkizý josparyn qurýdy jalǵastyrady.
Onyń 25% qazirgi ýaqytta elektrondyq saýda alańdary (ESA) arqyly iske asyrylýda.
