© AFP 2022 / STR
Qazaqstanda stels-omikron shtamy joq, dep habarlady Sputnik Qazaqstan densaýlyq saqtaý ministrligi sanitarlyq-epidemiologiialyq baqylaý komitetiniń resmi ókili Erjan Baitanaevqa silteme jasap.
"Qazir Qytaida jáne basqa kórshi elderde ainalymda júrgen stels-omikron shtamy bizde tirkelmegen", - dedi Baitanaev memlekettik telearnaǵa bergen suhbatynda.
Qazaqstanda qazir koronavirýstyń omikron shtamy basym, sondai-aq delta shtamy men Ýhan shtamy anyqtalyp jatyr.
Komitet ókiliniń aitýynsha, elde stels-omikron shtamy paida bolsa, odan tek vaktsinatsiia jáne revaktsinatsiia arqyly ǵana qorǵanýǵa bolady.
Aita keteri, stels-omikron qazir COVID-19 infektsiiasynyń eń juqpaly túri sanalady.
Jańa shtamǵa bailanysty Qytaidyń Shanhai qalasynda belgisiz merzimge deiin tolyq lokdaýn engizildi – adamdarǵa úiden shyǵýǵa tyiym salynǵan, al qalaǵa koronavirýsqa jappai testileý júrgizý úshin myńdaǵan meditsina qyzmetkeri jiberildi.
