Qazaqstanda «Spýtnik V» vaktsinasy resmi tirkelgen joq. Bul týraly QR Densaýlyq saqtaý vitse-ministri – Bas memlekettik sanitar dáriger Erlan Qiiasov aitty, dep habarlaidy "Ult aqparat".
«Tirkeý qujattamalary qaralyp jatyr. Biz tiisti toptamalardy ázirleý ústindemiz. Olar qarastyrylýda. Bir ret ákelýge ruqsat berý negizinde 22 myń doza vaktsinanyń alǵashqy toptamasy jetkizildi», - dedi Erlan Qiiasov Ortalyq kommýnikatsiialar qyzmetindegi baspasóz máslihaty barysynda BAQ ókilderiniń saýalyna orai.
Sonymen qatar ol reseilik vaktsinanyń taiaý kúnderi elimizde tirkeletindigin basa aitty.
Al QR Densaýlyq saqtaý vitse-ministri Ajar Ǵiniiat Qazaqstan turǵyndaryna vaktsina salynǵanǵa deiin ministrlik Reseiden atalǵan preparatqa qatysty klinikalyq zertteýdiń barlyq málimetterin suraǵanyn jetkizdi.
«Biz birinshi, ekinshi jáne úshinshi faza boiynsha barlyq esepti aldyq jáne dárilik zattarǵa saraptama jasaý ulttyq ortalyǵynda saraptama júrgizildi. Atalǵan preparattary bir ret ákelýge ruqsat berildi», - dedi ol.
Aita keteiik, Memleket basshysy Qasym-Jomart Toqaevtyń tapsyrmasymen 1 aqpanda Qazaqstanda «Spýtnik V» vaktsinasyn erikte negizde egý naýqany bastalady.
