Qaraǵandy farmatsevtikalyq kombinatynda reseilik "Spýtnik V" vaktsinasyn shyǵarý jumysy toqtatyldy. Bul týraly densaýlyq saqtaý vitse-ministri – bas memlekettik sanitar dáriger Aijan Esmaǵambetova málimdedi, dep habarlaidySputnik Qazaqstan.
Bas sanitardyń aitýynsha, qazirgi kezde Qazaqstanda 4 million dozadan astam vaktsina bar. Atap aitqanda, qytailyq Sinopharm vakinasynyń 1,8 million dozasy, Pfizer - 1,5 million, sondai-aq QazVac-tyń 800 myń ekpesi saqtaýly tur.
"Bunyń bári vaktsinalaý men revaktsinatsiiaǵa tolyǵymen jetedi. Sol sebepti qosymsha vaktsina satyp alýdyń qajeti joq. Biz ekpelerdi salý sharalaryn únemi baqylap otyramyz. "Spýtnik V"-di satyp alý josparda joq. Qazirgi kezde Qaraǵandy farmatsevtikalyq kombinaty burynǵydai dári-dármekterdi shyǵaryp jatyr. Vaktsinaǵa deiin osy jumyspen ainalysqan. Qazirgi kezde ol jerde vaktsina shyǵarylmaidy", - dedi Esmaǵambetova jýrnalisterge bergen suhbatynda.
Onyń sózine qaraǵanda, qazirgi vaktsinalar qazan aiyna deiin jetedi. Budan keiin sheteldik vaktsinalar tegin ekpe úshin satyp alynbaidy. Ony tek kámelet jasqa tolmaǵan balalar úshin jetkizip otyrady. Al eresek adamdar otandyq QazVac-ty tegin ektire alady. Sheteldik vaktsinany aqyǵa saldyrýǵa múmkindik bolady.
Aita keteri, 2020 jyly jeltoqsan aiynda Qaraǵandy farmatsevtikalyq kombinaty reseilik "Spýtnik V" vaktsinasyn shyǵarýdy bastaǵan. Al biyl qańtar aiynda revaktsinatsiia úshin "Spýtnik Laittyń" 150 myń dozasy jetkizildi.
