Sońǵy 5 jylda, QR Mádeniet jáne sport ministrliginiń aqparaty boiynsha 150 otandyq film jáne 8 serial túsirilýi kerek bolǵan. Biraq is júzinde 135 film men segiz serial túsirilgen, taǵy 12 jumys tapsyrylmaǵan, al qalǵan úsheýi boiynsha aqparat joq, dep habarlaidy ranking.kz saity.
2019 jyly 17 film túsirý josparlanǵan bolatyn, is júzinde barlyǵy 11 kinokartina túsirilgen. Taǵy altaýy áli tapsyrylǵan joq. Túsirilgen filmderdiń ishinde kórkem filmniń ortasha uzaqtyǵy - 100,5 minýt, derekti film - 50,1 minýt, animatsiialyq film - 37,7 minýt. Qysqa metrajdy filmderdiń ortasha uzaqtyǵy 28,8 minýtty qurady.
2019 jyly filmderdiń tek eki túri túsirildi: uzaqtyǵy 117,4 minýt bolatyn kórkem filmder jáne ortasha uzaqtyǵy 52,6 minýttyq derekti filmder. Bes jyl ishinde túsirilgen filmderdiń ishinde janrlar boiynsha 57 drama, 75 derekti jáne úsh animatsiialyq film túsirildi. Sonyń ishinde 2019 jyly bir drama men jeti derekti film túsirildi. Al úsh filmniń janrlary týraly naqty aqparat joq.
Til turǵysynan alǵanda qazaq tilindegilerine basymdyq berilgen: 71 film qazaq tilinde túsirilse, 58-i - orys tilinde. Sondai - aq, aǵylshyn tilinde tórt kinokartina jáne eki tilde, orys jáne qazaq tilinde bir film túsirildi. Bir kinolenta týraly aqparat joq. 2019 jyldyń qańtar-qyrkúiek ailarynda 41,2 mlrd.teńge somasynda filmder men beinefilmder, telebaǵdarlamalar, sondai-aq fonogrammalar men mýzykalyq jazbalar óndirisi boiynsha qyzmetter kórsetilgen.
