Qazaqstan aýmaǵyndaǵy shomylýǵa tyiym salynǵan jáne ruqsat etilgen oryndardyń tizimin 2GIS kartografiialyq platformasynan kórýge bolady, habarlaidy QazAqparat.
Azamattyq qorǵanys jáne áskeri bólimder komitetiniń tóraǵasy Baýyrjan Syzdyqovtyń aitýynsha, sý aidandarynyń qai bóliginde sýǵa shomylý ruqsa etilgenin internetten 2GIS platformasyna kirip-aq bilýge bolady.
«2GIS kartografiialyq platformasynda elimizdiń barlyq óńirlerinde sý aidyndarynda shomylýǵa tyiym salynǵan jáne ruqsat etilgen oryndar týraly derekter ornalastyrylǵan. Ákimdikterdiń saittarynda da osyndai jumystar júrgizildi, BAQ quraldary arqyly shomylý úshin qaýipti, tyiym salynǵan oryndar týraly derekter merzimdi túrde ornalastyrylady», - dedi komitet basshysy ortalyq kommýnkatsiialar qyzmetinde ótken brifingide.
Baýyrjan Syzdyqov shomylý basýsymy bastalǵan kezden beri qutqarýshylardyń 4,6 myńnan astam balany júzýge úiretkenin aitady.
«Qalalyq jaǵajailarda shomylýǵa arnalǵan qaýipsiz balalar jaǵajailary (taiaz sýlar) jabdyqtalǵan. Onda qutqarýshylar shomylý maýsymynyń barlyq kezeńinde balalardy júzý daǵdylaryna úiretý boiynsha jumys júrgizedi. Búginge deini 4 625 bala qamtyldy», - deidi TJM ókili.
