قازاقستان اۋماعىنداعى شومىلۋعا تىيىم سالىنعان جەنە رۇقسات ەتٸلگەن ورىنداردىڭ تٸزٸمٸن 2GIS كارتوگرافييالىق پلاتفورماسىنان كٶرۋگە بولادى, حابارلايدى قازاقپارات.
ازاماتتىق قورعانىس جەنە ەسكەري بٶلٸمدەر كوميتەتٸنٸڭ تٶراعاسى باۋىرجان سىزدىقوۆتىڭ ايتۋىنشا, سۋ ايداندارىنىڭ قاي بٶلٸگٸندە سۋعا شومىلۋ رۇقسا ەتٸلگەنٸن ينتەرنەتتەن 2GIS پلاتفورماسىنا كٸرٸپ-اق بٸلۋگە بولادى.
«2GIS كارتوگرافييالىق پلاتفورماسىندا ەلٸمٸزدٸڭ بارلىق ٶڭٸرلەرٸندە سۋ ايدىندارىندا شومىلۋعا تىيىم سالىنعان جەنە رۇقسات ەتٸلگەن ورىندار تۋرالى دەرەكتەر ورنالاستىرىلعان. ەكٸمدٸكتەردٸڭ سايتتارىندا دا وسىنداي جۇمىستار جٷرگٸزٸلدٸ, باق قۇرالدارى ارقىلى شومىلۋ ٷشٸن قاۋٸپتٸ, تىيىم سالىنعان ورىندار تۋرالى دەرەكتەر مەرزٸمدٸ تٷردە ورنالاستىرىلادى», - دەدٸ كوميتەت باسشىسى ورتالىق كوممۋنكاتسييالار قىزمەتٸندە ٶتكەن بريفينگٸدە.
باۋىرجان سىزدىقوۆ شومىلۋ باسۋسىمى باستالعان كەزدەن بەرٸ قۇتقارۋشىلاردىڭ 4,6 مىڭنان استام بالانى جٷزۋگە ٷيرەتكەنٸن ايتادى.
«قالالىق جاعاجايلاردا شومىلۋعا ارنالعان قاۋٸپسٸز بالالار جاعاجايلارى (تاياز سۋلار) جابدىقتالعان. وندا قۇتقارۋشىلار شومىلۋ ماۋسىمىنىڭ بارلىق كەزەڭٸندە بالالاردى جٷزۋ داعدىلارىنا ٷيرەتۋ بويىنشا جۇمىس جٷرگٸزەدٸ. بٷگٸنگە دەينٸ 4 625 بالا قامتىلدى», - دەيدٸ تجم ٶكٸلٸ.
