Foto: Gov.kz
Almaty oblysynda Qytailyq Shanghai SpaceSail kompaniiasy spýtniktik internet júiesin synaqtan ótkizdi, dep habarlaidy Ult.kz.
Júie elimizge arnaiy kelgen mamandardyń qatysýymen iske qosyldy. Testileý kezinde internet jyldamdyǵy 200 Mbit/s-qa jetip, joǵary sapany kórsetti.
Bul júie tómen orbitalyq spýtnikterge negizdelgen. Mundai tehnologiia shalǵai eldi mekenderge joǵary jyldamdyqtaǵy internet jetkizýge múmkindik beredi. Bul – talshyqty-optikalyq jeli tartý qiyn nemese qymbat óńirler úshin tiimdi sheshim.
Joba aýyldyq mektepterdi, meditsinalyq mekemelerdi, mobildi qyzmetter men áleýmettik infraqurylym nysandaryn sapaly bailanyspen qamtamasyz etýge baǵyttalǵan. Bul aýyl turǵyndarynyń tsifrlyq qyzmetterge qoljetimdiligin keńeitip, ómir sapasyn arttyrýǵa yqpal etedi.
Yntymaqtastyqty damytý maqsatynda qazaqstandyq delegatsiia Shanhaidaǵy Shanghai SpaceSail keńsesine baryp, kompaniianyń tehnologiialarymen jáne óndiris barysymen tanysty. Kezdesý barysynda taraptar birlesken jobalar men uzaq merzimdi seriktestik múmkindikterin talqylady. Kompaniia 2026 jyly Qazaqstanda resmi jumysyn bastaýdy josparlap otyr.
Tsifrlyq damý, innovatsiialar jáne aeroǵarysh ministrligi el aýmaǵynda tsifrlyq qyzmetterdi damytýǵa baǵyttalǵan kez kelgen tehnologiialyq bastamalardy qoldaidy jáne eger mundai yntymaqtastyq azamattardyń suranysyna jaýap berip, ómir súrý sapasyn arttyrýǵa múmkindik berse, birlesip jumys isteýge daiyn.
