Elektoraldy kampaniia aldynda elimizde sailaý zańnamasyn buzýdyń 30 jaǵdaiy tirkeldi. Bul týraly Ortalyq sailaý komissiiasynyń otyrysynda Aqparat jáne qoǵamdyq damý vitse-ministri Kemelbek Oishybaev tolyǵyraq aityp berdi, dep habarlaidy QazAqparat.
«Jalpy, qoǵamdyq pikirge saýalnamany tiisti talaptar boiynsha, bul týraly Ortalyq sailaý komissiiasyna habarlaǵan uiymdar ǵana júrgize alady. BAQ saýalnama júrgizetin adamdardy jáne oǵan tapsyrys bergen adamdardy kórsetýi kerek. Elektoraldy kampaniia aldynda bul baǵytta biz sailaý zańnamasyn buzýdyń 30 jaǵdaiyn tirkedik. Oǵan qatysty materialdar tiisti organdarǵa joldandy», - dedi Kemelbek Oishybaev.
Vitse-ministr sonymen qatar qoǵamdyq pikirge júrgizilgen saýalnama nátijesin jariialaý tártibine de toqtaldy.
«Sonymen birge qoǵamdyq pikirge júrgizilgen saýalnamanyń nátijesi, sailaý nátijesine bailanysty boljamdar, basqa da zertteýler daýys berý kúnine bes kún qalǵanda jáne daýys berý kúninde jariialanbaýy tiis. Buǵan deiin aitylǵandai, tynyshtyq kúni úgitteý maqsatynda BAQ-qa kez kelgen materialdy jariialaýǵa tyiym salynady», - dedi Kemelbek Oishybaev.
