Qazaqstanda saýda jelilerine qandai talaptar qoiylady? Bul suraqqa eldegi riteil naryǵyna jasalǵan taldaý jóninde baiandama jasaǵan QR Básekelestikti qorǵaý jáne damytý agenttiginiń ónerkásiptik jáne agroónerkásiptik keshen departamentiniń direktory Ásemgúl Nurmaǵambetov jaýap berdi.
«Zańnamaǵa sáikes, bólshek saýda jelilerine tehnikalyq jáne baǵa talaptary qoiylady. Birinshiden, memleket áleýmettik mańyzdy azyq-túlik taýarlarynyń baǵasyn retteidi. Ekinshiden, syiaqy mólsheri 5%-dan aspaýy kerek. Úshinshiden, saýdaǵa qosylatyn qun 15%-dan aspaýy tiis. Sonymen qatar, sórelerdi bólýge qoiylatyn talaptar bar - otandyq ónimdi ornalastyrý úshin kem degende 30% bolýy kerek», - dedi Ásemgúl Nurmaǵanbetova agenttiktiń onlain-konferentsiiasy barysynda.
Onyń aitýynsha, respýblikada bul qurylymda aýdany 2-den 10 myń sharshy metrge deiingi 263 saýda nysany tirkelgen.
«2016 jyly olardyń sany 268 edi. Sońǵy 4 jylda bólshek saýda oryndarynyń sany is júzinde ózgerissiz qaldy. Basqa eldermen salystyrǵanda, Qazaqstanda bólshek saýda naryǵynyń damý deńgeii tómen. 263 iri saýda núkteleriniń ishinen 136 saýda núktesi azyq-túlik saýdasyna mamandandyrylǵan. Olardyń negizgileri Nur-Sultan men Almatyda shoǵyrlanǵan - sany 116», - dep atap ótti spiker.
Ásemgúl Nurmaǵambetova sonymen qatar Qazaqstanda otandyq riteilermen qatar halyqaralyq riteiler de jumys istep jatqanyn jetkizdi.
«Búgingi tańda aimaqtyq jelilerdi keńeitip jatqan keibir iri oiynshylarynyń básekelestigi baiqalady. Olar: Magnum, Small, Metro jáne Anvar siiaqty jeliler. Sonymen birge oiynshylardyń, onyń ishinde sheteldik riteilerlerdiń jylystaýy baiqalady. Sonymen qatar, Green gipermarket jelisi kontseptsiiasyn dúken úiine aýystyrdy», - dep qorytyndylady Ásemgúl Nurmaǵanbetova.
