QR Ádilet ministrliginiń Azamattyq hal-aktilerin tirkeý basqarmasy 2019-2020 jyldary nárestelerge eń jii qoiylǵan esimder tizimin jariialady, dep habarlaidy "Ult aqparat".
Atalǵan ministrliktiń Facebook-paraqshasynda jariialanǵan málimetke sáikes, ekinshi jyl qatarynan elimizde uldar arasynda Álihan, Aisultan jáne Nurislam esimderi jii qoiylady eken. Máselen, ótken jyly dúniege kelgen 4268 sábige Álihan, 3270 nárestege Aisultan, 2528 balaǵa Nurislam esimi berilgen. Biyl da atalǵan úsh esim dál osyndai retpen jii qoiylǵan. Naqty aiqanda, Álihan esimdilerdiń sany – 1204-ke, Aisultandar – 841-ge, Nurislamdar 765-ke kóbeidi.
Al qyz balalar arasynda 2019 jyly Raiana (5601), Medina (5320), Aizere (4510) esimderi, osy jyly Medina (1289), Asylym (1183), Raiana (1172) esimderi jii qoiylǵan.
