QR Ekologiia, geologiia jáne tabiǵi resrýstar ministri Maǵzum Myrzaǵaliev zańsyz úiilgen qaldyqtar problemasyn kóterdi, dep habarlaidy QazAqparat.
«Turmystyq qatty qaldyqtar poligondarynyń jai-kúii jáne stihiialyq úiindiler sanynyń ósýi de ózekti ekologiialyq problema bolyp sanalady. Ǵarysh monitoringi 2018 jyly ruqsat etilmegen qoqys úiindileriniń sany 8 600 bolǵanyn kórsetse, 2019 jyly olardyń sany 9 200-ge jetti», - dedi dedi ministr Májiliste jańa Ekologiialyq kodeks jobasyn tanystyra otyryp.
Onyń aitýynsha, qazirgi ýaqytta qaldyqtardy jinaýmen, tasymaldaýmen, qaita óńdeýmen jáne kádege jaratýmen ainalysatyn kásiporyndar týraly tolyq málimetter joq. Qaldyqtarmen jumys isteý kezinde (ruqsat etilmegen qoqys tastaityn jerler, aldyn ala zalalsyzdandyrýsyz qaýipti qaldyqtardy zańsyz kómý) ereje buzý faktileri kezdesýde.
Mysaly, ótken jyldary Mańǵystaý, Aqtóbe, Atyraý, Pavlodar oblystarynda, sondai-aq Shymkent, Nur-Sultan qalalarynda tiisti túrde óńdelmegen quramynda munai bar jáne meditsinalyq qaldyqtar tabyldy.
«Qoldanystaǵy zańnamamen qaldyqtarmen jumys isteitin kásiporyndardyń qyzmeti reglamenttelmegen. Osyǵan bailanysty jańa Ekologiialyq kodekste qaýipti qaldyqtar jónindegi qyzmetti litsenziialaý men qaldyqtardy jinaý jáne tasymaldaý boiynsha habarlama tártibi kózdelgen. Bul qaldyqtardy jinaýmen, tasymaldaýmen, qaita óńdeýmen jáne kádege jaratýmen ainalysatyn mamandandyrylǵan kásiporyndardyń tizilimin júrgizýge múmkindik beredi», - dedi vedomstvo basshysy.
