Elimizde reseilik kólikterdi tirkeý erejesi túsindirildi, dep habarlaidy QazAqparat.
«Reseilik avtomobildi tirkeý úshin aldymen halyqqa qyzmet kórsetý ortalyǵyna barý kerek. Ol jerden qujattar tizimin alyp, kólikti tirkeý erejesine sai, tiisti qujattardy ázirlep HQO-na tapsyrýy kerek. Ereje barlyq kólikke ortaq, iaǵni qazaqstandyq kólik bolsyn, reseilik bolsyn - tirkeý erejesi bárine birdei. Kólikti tirkeý - barlyq elde bar protsess, eger Qazaqstan azamaty shetelde tursa, ol elde kóligin tirkeýi tiis. Al Reseiden kólik ákelýshilerdiń deni tirkeý erejesin saqtamai otyr. Ondai jaǵdaida kólikti júrgizýge tyiym salynyp, avtomobil aiyppul turaǵyna qoiylady», - dedi QR IIM Ákimshilik politsiia komiteti tóraǵasynyń orynbasary Serik Túsipov ministrlikte ótken baspasóz máslihatynda.
Onyń aitýynsha, elimizde kólikti tirkeý protsesi bar-joǵy 2 saǵat ýaqyt alady. Jáne eshqandai qaǵazbastylyq joq.
