Bul týraly Prezidenttiń Stadler Kazakhstan zaýytymen tanysýy barysynda aityldy, dep habarlaidy Ult.kz.
Memleket basshysyna Stadler Kazakhstan zaýyty shyǵarǵan alǵashqy jolaýshylar vagony tanystyryldy. Sondai-aq Qasym-Jomart Toqaevqa temir jol qatynasy júiesin jańǵyrtý barysy jóninde esep berildi.
"Otandyq IT kompaniialar jolaýshylarǵa arnalǵan biryńǵai tsifrly platforma ázirledi. Bul bilet satyp alýdan bastap týristik qyzmet kórsetýge deiingi kóptegen fýnktsiiany biriktiredi. Sondai-aq poiyzdar spýtniktik internetke qosylady. Qaýipsizdikti kúsheitý maqsatynda videotirkeýler, mobildi terminaldar, jasandy intellekt tehnologiiasy negizinde málimetterdi taldaýǵa qabiletti 4 myń kamera paidalanylady", - delingen Aqorda habarlamasynda.
Búkil el boiynsha 125 vokzalǵa jóndeý jumystary júrgizilýde. Halyqaralyq seriktestermen birlesip, jolaýshy tasymaldaý júiesindegi qyzmet kórsetý sapasyn arttyrýǵa jáne óńirlerdegi kólik bailanysyn jaqsartýǵa baǵyttalǵan sheshimder engizilip jatyr.
