QR Ishki ister ministrligi jol qozǵalysyn retteitin politsiia qyzmetkerlerine alataiaqty qaitarýǵa bastama kóterdi, dep habarlaidy "Ult aqparat".
«Azamattardyń kelip túsken ótinishterine bailanysty jáne jol qozǵalysyna qatysýshylardyń retteýshi politseidiń áreketterin qabyldaýyn jaqsartý, ásirese qarańǵy jáne túngi ýaqyttarda, sondai-aq jol qozǵalysyn retteýshi politseidi qaǵyp ketý oqiǵalarynyń aldyn alý maqsatynda Ishki ister ministrligi patrýldik politsiia qyzmetkerleriniń alataiaqty (jezl) paidalaný tájiribesine qaita engizýdi usynady», - delingen atalǵan vedomstvo taratqan aqparatta.
Bul rette ministrlik alataiaqtardy tek qana jol qozǵalysyn retteýdi júzege asyrý úshin paidalanýdy usynyp otyr. Atap aitqanda, jol-kólik oqiǵalary men keptelister kezinde kólik quraldaryn burý úshin, baǵdarshamdardyń aqaýlyǵy nemese bolmaýy, aýa raiynyń nasharlaýy jáne avtojoldarda nashar kóriný jáne basqa da qajetti jaǵdailarda ǵana ala taiaqty qoldanýǵa bolady dep sanaidy. Al kólikti toqtatý úshin ala taiaqty paidalanýǵa úzildi-kesildi tyiym salý qajet dep esepteidi.
