"Pfizer" kompaniiasymen vaktsinany jetkizý boiynsha aldyn ala kelisimge qol jetkizildi, dep habarlady densaýlyq ministrligi.
Vedomstvo aqparatyna sáikes, "Pfizer" kompaniiasymen 2021 jyldyń tórtinshi toqsanynda vaktsina jetkizý boiynsha kelisim jasaldy.
"2021 jyldyń naýryzynan bastap "Pfizer" kompaniiasy ókilderimen Sovid-19 koronavirýstyq infektsiiasyna qarsy vaktsinany jetkizý múmkindigi týraly kelissóz bastaldy. Ministrlik pen "Pfizer" kompaniiasynyń arasyndaǵy ózara is-qimyl sheńberinde qupiialylyq týraly kelisimge qol qoiyldy", - dep atap ótti vedomstvoda.
Ministrlik mámileniń negizgi sharttary týraly kelisimderdiń talaptaryn ońtailandyrý boiynsha "Pfizer" kompaniiasymen turaqty negizde kelissóz júrgizilip jatqanyn habarlady. Onyń ishinde Úkimet deńgeiinde keńes ótkizildi.
Sonymen qatar, "Pfizer" kompaniiasy vaktsinany jetkizý týraly kelisim jasaý úshin Qazaqstan Prezidentiniń Jarlyǵy qabyldanýy tiis ekenin habarlady.
Toqaev tapsyrmasy
Úkimettiń keńeitilgen otyrysynda Memleket basshysy Qasym-Jomart Toqaev Pfizer vaktsinasyn jetkizýdi tapsyrǵan bolatyn. Ol ótken jyly tiisti tapsyrma bergenin atap ótti. Alaida Qazaqstanǵa bólingen Pfizer vaktsinasy jetkizilmei qaldy. Al kelissóz nátijesi boiynsha kompaniia biyl mamyr aiynda 2 million dozany jetkizip berýdi josparlaǵan.
Ol preparattyń bizdiń naryǵymyzǵa kelýine kedergi jasaityn laýazymdy tulǵalarǵa qatysty shara qoldanýdy tapsyrdy.
Prezident vaktsina tańdaý quqyǵyn barynsha keńeitý kerektigin erekshe atap ótti. Sebebi keibir qazaqstandyqtar dál osy vaktsinany kútip otyrýy múmkin.
