Qazaqstanda páter ielerin ýaqytsha turǵyndaryn tirkeýge mindetteý josparlanyp otyr, - dep habarlaidy "Ult aqparat" kaz.tengrinews.kz portalyna silteme jasap.
Májiliste "Qazaqstan Respýblikasynyń keibir zańnamalyq aktilerine ekstremizmge jáne terrorizmge qarsy is-qimyl máseleleri boiynsha ózgerister men tolyqtyrýlar engizý týraly" zań jobasy talqylanyp jatyr.
"Kóshi-qon jelisi boiynsha tirkeýsiz nemese jeke kýáliksiz turýǵa aiyppul sanktsiialaryn ósirý usynylyp jatyr. Munymen qatar tirkeýsiz turý merzimin qysqartý usynylyp otyr. Buǵan eskertý jasaý qarastyrylǵan. (...) Tirkeýsiz turatyn tulǵalary úshin páter ielerin ákimshilik jaýapkershilikke tartý belgilenip jatyr, sonymen qatar aiyppul sanktsiialary engizilý ústinde", - dep málimdedi ishki ister vitse-ministri Rashid Jaqypov.
"Rezeńke páterler" degen uǵym bar. Keibir páterlerde 200-300 adamǵa deiin tirkelgen bolyp shyǵatyn jaǵdailar bar. (...) Biz tirkeýsiz jáne kóp adam turatyn páterlerdiń ielerine jaýapkershilik artýdy qarastyryp jatyrmyz", - degen edi osyǵan deiin IID basshysy.
