2020 jyldyń úsh toqsanynda elde 87,6 myń neke jáne 17,3 myń ajyrasý jaǵdaiy tirkelgen. Aita keteiik, ótken jyldyń sáikes kezeńimen salystyrǵanda nekeler sany 15,7%-ǵa, al ajyrasýlar sany birden 2,6 esege qysqardy, dep habarlaidy Ranking.kz.
2020 jylǵy qańtar-qyrkúiekte ajyrasý men nekelesý qatynasy rekordtyq tómen kórsetkish — 19,8%-dy qurady, al ótken jyly kórsetkish, kerisinshe, rekordtyq joǵary teris mánge — 43,5%-ǵa jetti.
2020 jylǵy qańtar-qyrkúiekte eldegi tirkelgen nekeniń 69%-ǵa jýyǵy, iaǵni 60,4 myńy qalalarǵa tiesili. Bul ótken jylmen salystyrǵanda 17,5%-ǵa az. Aýyldyq jerlerdegi tirkelgen nekeler sany bir jylda 11,6%-ǵa, iaǵni 27,2 myńǵa deiin qysqardy.
2020 jylǵy qańtar-qyrkúiektegi QR-da ajyrasý jaǵdailarynyń 73,4%-y, iaǵni 12,7 myńy (bir jyl buryn — 73,3%) qalalarǵa, al 26,6%-y, iaǵni 4,6 myń aýyldyq jerlerge tiesili boldy. Bul rette qalalyq jáne aýyldyq jerlerde de ajyrasýlar sany bir jylda 2,6 esege qysqardy.
QR barlyq óńirinde neke sany azaidy. Kórsetkish Shymkentte (-27,4%), Qostanai oblysynda (-19,8%) jáne Almatyda (-18,3%) tómendedi. Eń az tómengi kórsetkish Qyzylorda (-10,2%), Pavlodar (-10,5%) jáne Túrkistan (-11%) oblystarynda baiqaldy.
El boiynsha ajyrasý jaǵdailarynyń sany az. Ajyrasý sanynyń anaǵurlym tómendeýi Qyzylorda (4 ese), Atyraý (3,7 ese) jáne Batys Qazaqstan (3,1 ese) oblystarynda baiqaldy.
