Qazaqstanda pandemiia kezeńinde áleýmettik-eńbek daýlarynyń sany kóbeiip ketti. Bul týraly Nur-Sultan qalalyq kásipodaq ortalyǵynyń tóraǵasy Tólegen Qunadilov aitty, dep habarlaidy QazAqparat.
Onyń dereginshe, osy jyldyń birinshi jartyjyldyǵynda elordada 12 áleýmettik-eńbek daýy boldy. Pandemiiamen jáne qolaisyz ekonomikalyq ahýalmen bailanysty jaittar turaqsyz áleýmettik-eńbek jaǵdaiynyń qalyptasýyna aitarlyqtai yqpal etti. Jalaqy tólemeý problemasy, eńbek jaǵdaiyn buzý jiilip ketti.
Sonyń saldarynan eńbek daýlarynyń sany aitarlyqtai artty. Negizinen kásipodaqtary joq kásiporyndar men uiymdarda eńbek jaljaldarynyń jii oryn alǵandyǵyn erekshe atap ótkim keledi. Daýlardyń basym bóligi jalaqy deńgeiine qatysty kózqaras qarama-qaishylyǵynan emes, bul máselede ákimshiliktiń kelissóz júrgizýden bas tartýynan týyndaǵan. Kóp jaǵdailarda jumys berýshi janjaldyń aldyn alýǵa nietti emes. Tipti kóp jaǵdaida olar ahýaldyń ýshyǵatyndyǵyn bile tura sondai qadamǵa barady», - dedi Tólegen Qunadilov.
Usynylǵan aqparatqa sáikes, elordanyń Kásipodaq ortalyǵy jyl basynan beri jalaqyny kóterýge, eńbek jaǵdaiyn jaqsartýǵa qatysty 23 ótinimdi qarastyrdy. 63 jumysshyǵa quqyqtyq kómek kórsetildi. Buǵan qosa, 57 jumysshy jumys ornyn saqtap qaldy.
