Foto: QR Eńbek ministrligi
Qazaqstannyń eki óńirinde otbasylardyń turmystyq jaǵdaiyn baǵalaýdyń balldyq úlgisi engizilip, memlekettik qyzmet kórsetýdiń jańa tásili synaqtan ótýde. Joba Eńbek jáne halyqty áleýmettik qorǵaý ministrliginiń Biryńǵai tsifrlyq platformasy arqyly iske asyrylyp jatyr, dep habarlaidy Ult.kz.
Jańa júie ár otbasynyń áleýmettik jaǵdaiyn 23 kórsetkish boiynsha baǵalaidy: tabys, múlik, kólik, nesielerdiń bolýy, densaýlyq, bilim deńgeii jáne basqa da faktorlar. Nátijesinde otbasylar alty sanatqa bólinedi – asa muqtajdyqtan bastap joǵary ál-aýqat deńgeiine deiin.
Alǵashqy bes sanattaǵy otbasylarǵa jergilikti biýdjet esebinen qosymsha qoldaý avtomatty túrde taǵaiyndalady. Bul mektepte tegin tamaqtandyrý, stýdentterdi jataqhanamen qamtamasyz etý, turǵyn úi kómegi, sanatoriilik emdeý siiaqty sharalardy qamtidy. Al jaǵdaiy jaqsy 6-sanattaǵy otbasylar mundai qoldaýdan tys qalady.
Ministrlik ókilderiniń aitýynsha, bul tásil kómekti barlyǵyna birdei emes, shyn máninde muqtaj azamattarǵa baǵyttaýǵa múmkindik beredi.
Aita keteiik, jańa úlgi respýblikalyq biýdjetten tólenetin barlyq negizgi áleýmettik járdemaqylarǵa áser etpeidi. Zeinetaqy, bala kútimi boiynsha tólemder, kópbalaly jáne marapattalǵan analarǵa beriletin járdemaqylar burynǵydai saqtalady.
