Qazaqstanda árbir besinshi jańa otbasy eki ózge ult ókilinen turady.
Data Hub habarlaýynsha, 2023 jyl qorytyndysy boiynsha astanalyqtar basqa óńirlerge qaraǵanda jii nekelesedi: 1000 adamǵa shaqqanda 7,46 kórsetkishke ie. Al Túrkistan oblysynda nekege turý kórsetkishi eń tómen boldy, onda 1000 adamǵa shaqqanda 5,55.
Sarapshylar Qazaqstandaǵy neke týraly taǵy birneshe qyzyqty derekterdi jariialady:
10 jaǵdaidyń 8-inde qazaqstandyqtar birinshi ret otaý qurady. Eldegi kúieý jigitterdiń ortasha jasy – 27,8 jas, al qalyńdyqtiki – 25,2 jas;
2023 jyly nekege turǵan erlerdiń basym bóligi 20 men 39 jas aralyǵynda (85%), al áielderdiń basym bóligi 18 ben 34 jas aralyǵynda (82%) boldy.
Qazaqstanda kóteriletin árbir besinshi shańyraq eki ózge ult ókilinen turady. Kelinshekterdiń 41%-y – joǵary bilimdi. Al joǵary oqý ornyn bitirgen kúieý jigitterdiń úlesi birshama tómen – 39%.
Nekelerdiń kópshiligi maýsym men tamyz ailarynda, eń azy qańtar men aqpanda qiylady.
Avtor: Dýlat Jýmagazin
