QR Premer-Ministri Asqar Maminniń tóraǵalyǵymen ótken Investitsiialyq shtab otyrysynda investitsiialar tartý jónindegi jańa tásilderdi iske asyrý barysy qaraldy, dep habarlaidy "Ult aqparat" Úkimettiń resmi saityna silteme jasap.
Atalǵan tásilder QR Prezidenti janyndaǵy Reformalar jónindegi Joǵary Keńes otyrysynda tanystyryldy.
Ulttyq ekonomika ministri Áset Erǵaliev investitsiialar tartý jónindegi qoldanystaǵy sharalardyń tiimdiligin keshendi baǵalaý maqsatynda óńirlerdiń investitsiialyq reitingin engizý josparlanyp otyrǵanyn aitty. Ol investorlarmen jumys isteý boiynsha neǵurlym tiimdi praktikany aiqyndaýǵa múmkindik beredi, sondai-aq jergilikti bilik organdarynyń jumysyn yntalandyrady. Reiting saýalnama ádisimen alynǵan málimetter, sondai-aq statistikalyq derekter men saraptamalyq baǵalaý negizinde 50 indikatordan turady.
Óńirlerdiń investitsiialyq reitingi men Investitsiialar jónindegi ulttyq baiandamany ár jyldyń 1 toqsanynda shyǵarý josparlanyp otyr. Ulttyq baiandamanyń qurylymy eki apta ishinde Dúniejúzilik banktiń, Eýropa qaita qurý jáne damý bankiniń, Aziia damý bankiniń sarapshylarymen kelisiletin bolady. Alynǵan usynymdardy eskere otyryp, Ekonomikalyq zertteýler institýty «Kazakh Invest» UK» AQ-men birlesip, reitingtiń birinshi shyǵarylymy men 2020 jylǵa arnalǵan baiandamany daiyndaidy.
Premer-Ministrdiń orynbasary – syrtqy ister ministri Muhtar Tileýberdi, Strategiialyq josparlaý jáne reformalar jónindegi agenttiktiń tóraǵasy – «Astana» halyqaralyq qarjy ortalyǵynyń (AHQO) basqarýshysy Qairat Kelimbetov pen «Kazakh Invest» UK» AQ basqarma tóraǵasy Meiirjan Iýsýpov «Business Connect» AHQO bólimshesi men «Kazakh Invest» UK» AQ sarapshylarynan quralǵan «Task Force» arnaiy komandasynyń jumys tártibi týraly baiandady. Saýda jáne integratsiia ministrliginiń usynysy boiynsha atalǵan komandaǵa «Qaztrade» saýda saiasatyn damytý ortalyǵy» AQ ókilderi de kiredi.
«Task Force» Úkimet atynan sheteldik investorlarmen biryńǵai kelissóz júrgizýshi retinde áreket etedi, strategiialyq investitsiialyq kelisimderdiń jobalaryn qalyptastyryp, investitsiialyq jobalar jónindegi jumysqa ortalyq memlekettik jáne jergilikti atqarýshy organdardy, kvazimemlekettik sýbektilerdi tartady, Investitsiialyq shtabtyń sheshiminen keiin operatsiialyq qyzmet bastalǵanǵa deiin investorlardy súiemeldeidi.
Indýstriia jáne infraqurylymdyq damý ministri Beibit Atamqulov 2021-2025 jyldary ónerkásipte, qurylys salasynda, kólik sektorynda, jer qoinaýyn paidalanýda jáne qorǵanys-ónerkásip kesheninde jalpy somasy 17,6 trln teńge bolatyn jeke investitsiialarǵa 819 jobany iske asyrý josparlanǵanyn atap ótti. Osy jyly negizgi kapitalǵa investitsiialardyń nysanaly kólemi 6 trln teńge mólsherinde belgilengen.
«QazMunaiGaz» UK» AQ basqarma tóraǵasy Alik Aidarbaev kompaniianyń investitsiialyq portfelinde jalpy somasy 58,1 trln teńge bolatyn 57 joba bar ekenin atap ótti. Kaspii qairańynda Abai, Isatai, Jeńis, Ál-Farabi, Qalamqas-teńiz, Hazar jáne Hvalynskoe sekildi jer qoinaýyn paidalanýdyń investitsiialyq jobalaryn iske asyrý máseleleri pysyqtalýda. Biyl Qazaqstan – Qytai munai qubyryn salý, Kaspii teńiziniń Ázerbaijan sektoryndaǵy Absheron jáne Babek ken oryndarynda ózdiginen kóteriletin qalqymaly burǵylaý qondyrǵysyn salý jáne túrlendirý, Almaty qalasyn gazdandyrý, Qara teńiz óńirindegi bólshek saýda jelisin damytý, KPI qajettilikteri úshin syǵylǵan aýa óndirý qondyrǵysyn salý aiasynda revers investitsiialyq jobalaryn aiaqtaý josparlanyp otyr.
Nur-Sultan qalasynyń ákimi Altai Kólginov aldaǵy 5 jylda ónerkásip, saýda jáne logistika, qurylys indýstriiasy, elektr energetikasy, bilim berý, meditsina jáne sport salalarynda 18 myń jańa jumys ornyn qura otyryp, jalpy somasy 2 trln teńge investitsiiaǵa 125 jobadan turatyn pýl qurylǵanyn atap ótti. Osy jyldyń basynan beri investitsiialardyń 16,4%-ǵa ósýi baiqalady. Biyl elordanyń negizgi kapitalyna barlyǵy 1,26 trln teńge investitsiia tartý josparlanýda.
Almaty oblysy ákiminiń orynbasary Serik Turdaliev aldaǵy bes jylda óńirde mashina jasaý, qurylys materialdaryn óndirý, aýyl sharýashylyǵy, balyq sharýashylyǵy, azyq-túlik ónimderin óndirý, TMK, logistika, jańartylatyn energetika jáne t. b. salalarda 1,7 trln teńgeden astam somaǵa 150 jobany iske asyrý kózdelgenin aitty. Biyl óńirge 453 mlrd teńge investitsiia tartý josparda bar.
«Iskerlik belsendilikti qalpyna keltirý jáne ekonomikanyń odan ári sapaly ósýi úshin ishki jáne syrtqy investitsiialardy tartý boiynsha júieli jumys júrgizý qajet», — dedi A. Mamin.
