Jyldyq infliatsiia qyrkúiekte 13 óńirde jyldamdady. Bul týraly QR Ulttyq bankiniń tóraǵasy Erbolat Dosaev aitty, dep habarlaidy QazAqparat.
«Infliatsiiany turaqtandyrý maqsatynda Memleket basshysy osy jylǵy qyrkúiektegi óziniń Joldaýynda Úkimetke Ulttyq bankpen birlesip monetarlyq emes faktorlarǵa erekshe nazar aýdarýdy tapsyrdy. Prezidenttiń oryndaý úshin Úkimet sheshimimen Infliatsiiaǵa qarsy den qoiý sharalarynyń kesheni bekitildi, ony iske asyrý osy jylǵy qyrkúiekte bastaldy», - dedi Dosaev Májilistiń jalpy otyrysynda.
Sonymen qatar ol biylǵy infliatsiiany tejeýdiń negizgi qadamdaryn aitty.
«Sizderdiń nazarlaryńyzdy óńirlerdegi jaǵdaiǵa aýdarǵym keledi. Jyldyq infliatsiia qyrkúiekte 17 óńirdiń 13 óńirinde jyldamdady, ol 6 oblysta 9 paiyzdan asyp otyr. Ulttyq banktiń pikirinshe, óńirlik naryqtarda baǵalardy turaqtandyrý jáne taýarlar tapshylyǵyna jol bermeý biylǵy jylǵy infliatsiiany «tejeýdiń» negizgi faktorlary bolyp sanalady», - dedi UB basshysy.
