Qazaqstanda ónimdi tsifrlyq tańbalaý júiesindegi jumysty, qabyldaý-tapsyrý aktilerimen jumysty ońailatý josparlanǵan. Sonymen qatar 2D-skanermen skanerleýsiz tańbalaý júiesinde taýardy esepten shyǵarý múmkindigi qarastyrylyp jatyr, dep habarlaidy "Ult aqparat" Memlekettik kirister komitetine silteme jasap.
2020 jylǵy 1 qazannan bastap Qazaqstanda temekilerdi tsifrlyq tańbalaý mindettelgen. Qazaqstan aýmaǵynda óndiriletin nemese elge importtalatyn barlyq temeki tsifrlyq markamen tańbalanady. Onda ónim týraly sandyq aqparat bolady.
«Temeki ónimderin satý úshin qymbat jabdyq satyp alýdyń qajeti joq, taýarlardy tańbalaýdyń aqparattyq júiesinde siltemesi boiynsha elektrondy-tsifrlyq qoltańbany paidalaný arqyly tirkelý jetkilikti»,- dep atap ótti komitetten.
2D skanerdiń durys jumys isteýi úshin onlain BKM-de taýarlar nomenklatýrasyn qosý qajet. Saitta taýarlar nomenklatýrasyn jańartýǵa qosymsha shyǵyndardy boldyrmaý úshin onlain BKM-da taýarlar nomenklatýrasyn óz betinshe qosý boiynsha nusqaýlyq ornalastyrylǵan. Taýarlar nomenklatýrasyn jańartqannan keiin 2D skaner sandyq tańbalaýdy durys oqidy.
2D skanerlerge balama retinde Naqty Sauda (Android jáne IOS) tegin mobildi qosymshasyn paidalaný kerek.
Tańbalaý júiesinde tańbalanǵan temeki ónimderimen jumysty ońailatý úshin qabyldaý-tapsyrý aktilerimen jumysty ońailatý, 2D-skanermen skanerleýsiz tańbalaý júiesinde taýardy esepten shyǵarý múmkindigi týraly másele qaralady.
«Usaq bólshek saýdada tańbalanǵan taýarmen jumystyń problemalyq máselelerin pysyqtaý úshin taýarlardy tańbalaýdyń biryńǵai operatory aimaqtarǵa barady, shaǵyn dúkenderdiń biznes-protsesterin zerdeleidi jáne usaq bólshek saýdada jumys isteý bóliginde tańbalaý qaǵidalaryna ózgerister engizý týraly usynymdar pysyqtalady», delingen habarlamada.
Shaǵyn bólshek saýdadaǵy kóptegen problemalar oqýda jatyr. Qazir shaǵyn kásipkerler úshin tańbalanǵan taýarlarmen jumys isteýdiń ártúrli aspektileri boiynsha paidaly nusqaýlyqtar men jadynamalar ázirlenýde, beinematerialdar daiyndalýda, sondai-aq táýlik boiy jumys isteitin tsifrlyq tańbalaý jónindegi bailanys ortalyǵynyń bolýy týraly aqparatty belsendi taratady. Jedel jeli telefony - 8 800 080 6565.
«Sondai-aq, temeki 1999 jyldan bastap qaǵaz aktsizdik markalarmen tańbalanatynyn, bizdiń sandyq tańbalaýdy engizgenimizdi, endi 2022 jyldyń qańtarynan bastap qaǵaz aktsizdik markany alyp tastaitynymyzdy atap ótemiz», - delingen habarlamada.
