Qazaqstanda ónerkásipti memlekettik yntalandyrýdyń jańa tásilderi ázirlendi. Bul týraly QR Indýstriia jáne infraqurylymdyq qamý vitse-ministri Amaniiaz Erjanov aitty, dep habarlaidy QazAqparat.
Vitse-ministr Májiliste ótken dóńgelek ústel barysynda «Ónerkásiptik saiasat týraly» jańa zań jobasyn tanystyra kele depýtattarmen birge ónerkásipti memlekettik yntalandyrý boiynsha jańa tásilder pysyqtalǵanyn aitty.
«Sonymen, zań jobasynda bul baǵytta mynadai tásilder usynylady: orta jáne joǵary bólinisterge nazar aýdarý. Onyń aiasynda qosylǵan quny joǵary taýarlardyń basymdyǵy qurylatyn bolady. Básekege qabilettilikti arttyrý týraly kelisim jasasý arqyly yntalandyrý sharalarynyń quramdastyrylǵan paketin alý múmkindigi týyndaidy. Ónerkásiptik grantty, aýmaqtyq klasterlerdi damytý men eksporttyq-saýdalyq qarjylandyrýdy qamtityn yntalandyrýdyń jańa quraldary paida bolady. Qarsy mindettemeler aiasynda yntalandyrýǵa ie bolǵan kásiporyndar belgili bir ekonomikalyq kórsetkishterge qol jetkizetin bolady», - dedi vitse-ministr
Onyń atap ótýinshe, buǵan deiin úkimettik redaktsiiada tek qoldaý sharalaryn alýshylardyń qarsy mindettemeleri kózdelse, Májilis depýtattarynyń redaktsiiasynan keiin osy bapta qoldaý sharalaryn usyný jónindegi memlekettiń mindettemeleri kórsetilgen.
«Depýtattar tobynyń túzetýleriniń arqasynda biz ónerkásipti memlekettik yntalandyrý sharalaryn júielendirdik. «Ónerkásipti yntalandyrý sharalary» taraýynda tek tikelei qarjylyq yntalandyrý sharalary qaldy. Al, yntalandyrýdyń servistik sharalary zań jobasynyń tiisti taraýlarynda kórsetilgen. Kepildendirilgen tapsyrys, yntalandyrý boiynsha ishki naryqta servistik qoldaý jáne otandyq óńdelgen taýarlardy eksportqa shyǵarý boiynsha servistik qoldaý sharalary ótkizý naryqtaryndaǵy jyljytý bólimine, kadrlyq resýrstarmen qamtamasyz etý jáne sheteldik investitsiialardy tartý normalary ónerkásiptiń tiimdiligi men básekege qabilettiligin arttyrý bólimine aýystyryldy», - dedi Erjan Amaniiazov.
