Qazaqstanda 3 jeltoqsannan bastap koronavirýstyń jańa shtamyna bailanysty shekteýler engiziledi. Bul týraly Úkimet otyrysynda densaýlyq saqtaý birinshi vitse-ministri Marat Shoranov aitty, - dep habarlaidy "Ult aqparat" primeminister.kz saityna silteme jasap.
QR Premer-Ministri Asqar Maminniń tóraǵalyǵymen ótken Úkimet otyrysynda eldegi sanitarlyq-epidemiologiialyq jaǵdai qaraldy. Densaýlyq saqtaý birinshi vitse-ministri Marat Shoranov Qazaqstandaǵy sanitarlyq-epidemiologiialyq jaǵdaidyń turaqtylyǵy týraly baiandady.
Álemde KVI-diń 261 mln astam jaǵdaiy tirkelgen, táýligine 300 myńnan astam jaǵdai tirkelýde. 5 mln-nan astam adam qaitys boldy. Dúniejúzilik densaýlyq saqtaý uiymynyń Eýropalyq óńirinde syrqattanýdyń ósý tendentsiiasy áli de jalǵasýda. Respýblikada PTR testtiń oń nátijesimen koronavirýs infektsiiasynyń 971 541 jaǵdaiy, jáne PTR teris nátijesimen 82 550 jaǵdaiy tirkelgen, naýqastardyń 95%-dan astamy emdelip shyqty. Jalpy respýblika boiynsha virýstyń reprodýktivtik sany 0,91 quraidy jáne tamyz aiymen salystyrǵanda 1,2 ese tómendeý baiqalady.
Densaýlyq saqtaý birinshi vitse-ministri M. Shoranov habarlaǵandai, búgingi tańda «qyzyl aimaqta» Soltústik Qazaqstan oblysy qalyp otyr. 5 óńir – (Qaraǵandy, Qostanai, Aqmola, Pavlodar jáne Nur-Sultan qalasy) «sary aimaqta» tur. Qazaqstan Respýblikasy jáne qalǵan 11 óńir «jasyl aimaqta» ornalasqan.
«Jalpy Qazaqstanda sońǵy aida syrqattanýshylyq 2,8 esege, statsionarlyq naýqastar 1,5 esege, ambýlatoriialyq naýqastar 2 esege tómendedi. Respýblika boiynsha 1 tamyzdan bastap infektsiialyq tósekter júktemesi 56%-dan 29%-ǵa deiin, reanimatsiialyq tósekter júktemesi 45%-dan 23%-ǵa deiin tómendedi. Rezervte 30 myńnan astam tósek-oryn bar», — dedi Shoranov.
Emdeýdi jalǵastyrýshylar sany azaidy, sońǵy úsh aida naýqastar sany 4,2 ese azaidy. Halyqty KVI-ge qarsy vaktsinalaý jumystary jalǵasýda.
«1-shi komponentpen 8,7 mln-nan astam adam egildi, vaktsinalaýǵa tiisti halyqtyń 76,6%-y nemese jalpy halyqtyń 46,2%-y qamtyldy. Ekinshi komponentpen tiisti halyqtyń 70,8%-yn nemese jalpy halyq sanynyń 42,7%-yn qamti otyryp, 8 mln astam adam egildi», — dedi densaýlyq saqtaý birinshi vitse-ministri.
Qazaqstanǵa Comirnaty (Pfizer) vaktsinasynyń 645 myń dozasy kelip tústi. Búgingi kúni 62 707 bala jáne 17 015 júkti jáne bala emizetin áielder egildi. Vaktsinany jetkizý apta saiyn jalǵasýda.
«22 qarashadan bastap respýblikada halyqty KVI-ǵa qarsy revaktsinalaý jumystary bastaldy. Revaktsinalaýmen birinshi kezeńde halyqtyń osal toptary (meditsina qyzmetkerleri, pedagogtar, meditsinalyq-áleýmettik mekemelerdiń jáne jabyq balalar mekemeleriniń personaly men kontingenti, kúsh qurylymdarynyń qyzmetkerleri), 60 jastan asqan adamdar, óz betinshe tekserýden ótken jáne KVI-ge qarsy antidenelerge teris nátijesi bar adamdar qamtylady. Ekinshi kezeńde: vaktsinanyń eki dozasyn tolyq alǵan adamdar. Búgingi kúni revaktsinalanǵan adamdardyń sany 9 412 adam qurady», — dedi Shoranov.
Birinshi vitse-ministrdiń aitýynsha, koronavirýs infektsiiasynyń «Omikron» shtamynyń jańa nusqasynyń paida bolýyn eskere otyryp, ony respýblika aýmaǵyna ákelýge jol bermeý maqsatynda vedomstvoaralyq komissiiada biylǵy 3 jeltoqsannan bastap mynadai shekteý sharalaryn engizý týraly sheshim qabyldandy:
- Botsvana, Lesoto, Namibiia, Zimbabve, Mozambik, Madagaskar, Esvatini, Malavi, Ontústik Afrika, Tanzaniia jáne Gonkongtan shetel azamattarynyń Qazaqstanǵa kelýin shekteý.
- «Omikron» nusqasynan týyndaǵan KVI jaǵdailary anyqtalǵan elderden, búgingi kúni bul elder – Izrail, Chehiia, Niderlandy, Belgiia, Ulybritaniia, Italiia, Germaniia, Avstraliia, Kanada jáne Egipet. Osy elderden keletin adamdar úshin vaktsinatsiiasy bar-joǵyna qaramastan mindetti PTR testileýdiń bar bolýyn engizý.
- «Omikron»-nan týyndaǵan KVI jaǵdailary anyqtalǵan elderden kelgen adamdar PTR nátijesine qaramastan 7 kúnge úi karantinine oqshaýlanýy tiis.
- Belgiiada Egipetten kelgen adamnan «Omikron» shtammynan KVI jaǵdaiynyń anyqtalǵanyn jáne Egipetten keletin jolaýshylar sanyn (qarasha 13 myńnan astam adam) eskere otyryp, Egipetpen áýe qatynasyn toqtata turý.
- QR-da taralǵan koronovirýs infektsiiasy shtamdaryn sekvenerleý jumystaryn jalǵastyrý.
Óz kezeginde QR Premer-Ministriniń orynbasary Eraly Toǵjanov koronavirýstyń jańa shtammynyń tabylýy álemniń kóptegen elderinde alańdaýshylyq týdyryp otyrǵanyn atap ótti.
Birqatar Eýropa elderi, Singapýr jáne Izrail qatań shekteý sharalaryn qabyldady (Izrailde áýe qatynastary shektelýde, Eýropa elderi «Omikron» anyqtalǵan elderden kelgen adamdardy 14-kúndik karantindik oqshaýlaý tártibin engizdi).
Dúniejúzilik densaýlyq saqtaý uiymynyń aldyn ala derekterine sáikes jańa shtamm «Delta» nusqasynan da qaýipti, ári tez taralady.
«Sondyqtan jańa shtammnyń elimizdiń aýmaǵyna enýiniń aldyn alýǵa baǵyttalǵan sharalardy qoldaýdy suraimyz. Usynylǵan shekteý sharalary vedomstvoaralyq komissiia otyrysynda qaralyp, maquldandy», — dedi E. Toǵjanov.
Sonymen qatar biyl maýsymdyq tumaý men jedel respiratorlyq virýstardyń taralý jiiligi 2019 jylmen salystyrǵanda 1,4 esege artyp otyr.
«Osyny jáne álemdegi jaǵdaidy eskere otyryp, barlyq ákimderden sanitarlyq talaptardyń oryndalýyna baqylaýdy kúsheitýdi suraimyz. Birinshiden, qoǵamdyq oryndarda áleýmettik qashyqtyq pen maska taǵý rejimin saqtaý boiynsha túsindirme jumystary kúsheitilýi tiis. Bul rette monitoringtik toptardyń jumysyn jandandyrý qajet. Ekinshiden, koronavirýsqa qarsy vaktsina alý men revaktsinalaýǵa shaqyrý boiynsha aqparattyq jumysty kúsheitken mańyzdy. Azamattardyń vaktsina alýy úshin qolaily jaǵdailar qamtamasyz etilýi tiis. Úshinshiden, ákimdikter óńirdegi infektsiianyń taralý deńgeiine kúndelikti taldaý júrgizip otyrýy qajet», — dep túiindedi Toǵjanov.
