Qazaqstanda omikron shtammy anyqtalǵan joq. Bul týraly QR Densaýlyq saqtaý birinshi vitse-ministri Marat Shoranov aitty, dep habarlaidy QazAqparat.
«Búginde Qazaqstanda omikron shtammy anyqtalǵan joq. Virýsty sekvenatsiialaý jalǵasyp jatyr. Biz bul jumysty ai saiyn turaqty júrgizip kelemiz. Búgin Úkimet otyrysynda atalǵan shtammdardy sekvenatsiialaý jumysyn jalǵastyrý ári jandandyrý týraly qosymsha sheshim qabyldandy. Taiaý ýaqytta, shamamen jeltoqsannyń úshinshi onkúndiginde bul protsedýralardyń nátijesin biletin bolamyz. Ázirshe tirkelgen jaǵdailardan omikron shtamynyń PTR testileýge sezimtal ekendigi, ony anyqtaýǵa bolatyndyǵy belgili. Demek PTR testileý barlyq patsientten shtammdy anyqtaýǵa múmkindik beredi. Bul úshin virýs sekvenatsiiasyna qosymsha zertteý júrgizý qajet. Bul úlken jumysty qajet etedi. Shamamen 2-4 apta ketedi. Sondyqtan bul jumysty bastadyq. Jeltoqsannyń sońynda Qazaqstan aýmaǵynda ainalymda júrgen shtamm túrlerine qatysty tolyq kartina qolymyzda bolady», - dedi ol Úkimet otyrysynan keiin.
