Biyl elimizde oq-dári saqtaýǵa arnalǵan 2 nysannyń qurylysy bastalady. Bul týraly QR Qorǵanys ministriniń orynbasary Baqyt Qurmanbaev aitty, dep habarlaidy "Ult aqparat".
«Biyl Aqtóbe men Qaraǵandy oblystarynyń adam turmaityn aýdandarynda oq-dári saqtaýǵa arnalǵan 2 zamanaýi nysan qurylysy bastalady. Olar barlyq qalǵan saqtaý nysandarynyń júktemesin barynsha azaitýdy jáne eldiń azamattyq turǵyndarynyń qaýipsizdigin barynsha saqtaýdy qamtamasyz etedi», - dedi Qorǵanys ministriniń orynbasary.
Onyń atap ótýinshe, atalǵan eki nysanǵa qoiylatyn negizgi talaptar Qarýly Kúshterdiń normativtik-quqyqtyq aktilerine, qaýipsizdik normalaryna negizdelgen. Sonymen qatar ol nysandardyń qurylysyna qajetti qujattardy daiyndaý jumystarynyń júrgizilip jatqanyn aitty.
«Biyl úlgeremiz dep úmittenemiz», - dedi Baqyt Qurmanbaev.
