Biylǵy jyldyń 1 shildesinen bastap notariattyq qujattarǵa QR-kod beriledi. Bul týraly QR Ádilet vitse-ministri Azamat Ámirǵaliev málim etti, dep habarlaidy QazAqparat.
«Memleket basshysy aǵymdaǵy jyly Qazaqstan Respýblikasy Parlamentiniń depýtattary bastamashylyq etken notariat, jyljymaityn múlikke quqyqtardy jáne zańdy tulǵalardy memlekettik tirkeý máseleleri boiynsha zańnamalyq aktilerge túzetýler engizý týraly Zańdarǵa qol qoidy. Notariat salasyndaǵy negizgi jańalyqtarǵa qysqasha toqtalyp ótpekpin. Kelesi jyldan bastap Biryńǵai notariattyq aqparattyq júiede notariattyq qujattardy saqtaý úshin ortalyqtandyrylǵan elektrondyq repozitoriidi qurý josparlanýda. Bolashaqta notariýstar qaǵaz muraǵatynan bas tartady», - dedi vitse-ministr Ortalyq kommýnikatsiialar qyzmetinde.
Sonymen qatar A. Ámirǵaliev biyldyń 1 shildesinen bastap jyljymaityn múlikpen mámilelerdi resimdeý kezinde eksaýmaqtylyq tártip engiziletinin aitty.
«Eger buryn jyljymaityn múlikpen jasalatyn mámileler notariýstyń ornalasqan jeri boiynsha kúálandyrylǵan bolsa, endi taraptar onyń ornalasqan jerine qaramastan kez kelgen notariýsqa júgine alady. Budan basqa, árbir notariattyq is-áreketke QR-kod beriledi, ol biregei bolyp sanalady jáne qujatty burmalaýdan qorǵaýdy qamtamasyz etedi. Halyqqa yńǵaily bolý úshin elektrondyq qujattyń qaǵaz qujatqa teń ekendigin kýálandyrý boiynsha notariattyq is-áreketter engizildi, bul azamattarǵa qajetsiz jol júrýden, poshtamen jáne kýrerler arqyly jiberýden qutylýǵa múmkindik beredi», - dedi ol.
