Foto: egemen.kz
2025 jyldyń 16 qyrkúieginen bastap Qazaqstanda nekeni buzýdyń jańa erejeleri kúshine enedi, dep habarlaidy Ult.kz Orda.kz-ke silteme jasap.
Jýyrda prezident Qasym-Jomart Toqaev «Neke jáne otbasy týraly» kodekske engizilgen túzetýlerge qol qoidy. Ózgerister birjaqty tártippen nekeni buzý rásimin jeńildetedi.
Buǵan deiin erli-zaiyptylardyń bireýi ekinshisiniń kelisiminsiz ajyrasý úshin myna jaǵdailardyń biriniń bolýy jetkilikti edi:
Ekinshi tarap habar-osharsyz ketken dep tanylsa;
Áreketke qabiletsiz nemese shekteýli áreketke qabiletti dep tanylsa;
Keminde úsh jyl merzimge bas bostandyǵynan aiyrylsa.
Endi bul tizimge taǵy bir tarmaq qosyldy. Eger ekinshi jubai halyqaralyq izdeýde úsh jyldan astam ýaqyt bolsa, neke buzylady.
Sońǵy sebep boiynsha ajyrasý úshin AHAT bólimine ótinish berý kerek. Oǵan qosa, adamnyń halyqaralyq izdeýde ekeni týraly qylmystyq qýdalaý organdarynyń qujatyn qosa tirkeý qajet. Osydan keiin ótinishti Ádilet ministrligi rastaidy.
Biyl kóktemde májilis depýtaty Ardaq Nazarov ajyrasqan qazaqstandyqtarǵa salyqty kóterýdi jáne nekeni resmi buzý úshin joǵary baj salyǵyn engizýdi usynǵan edi.
2023 jyly Qazaqstanda 120,8 myń neke tirkelse, onyń 40,2 myńy buzylǵan.
