Ulystyń uly kúni – Naýryz meiramyn toilaýdyń jańa tujyrymdamasy ázirlendi. Bul týraly QR Mádeniet jáne sport vitse-ministri Nurǵisa Dáýeshov málim etti, dep habarlaidy QazAqparat.
«Naýryz meiramy - tereń dástúrli qundylyqtardyń qainar kózi jáne ulttyń biregeiligin qurýdyń joǵary shoǵyrlandyrýshy áleýeti men tetigi bar asa mańyzdy búkilhalyqtyq mereke. Memleket basshysynyń tapsyrmasyna sáikes Naýryz meiramyn merekeleýdiń negizgi maqsaty Qazaqstandaǵy beibitshilik pen kelisimdi nyǵaitý, azamattardy eldiń jasampaz damýynyń ortaq mindeti ainalasyna toptastyrý, ortaq mádeni-rýhani qundylyqtar men jalpyulttyq sanany qalyptastyrý bolýǵa tiis. Osyǵan sáikes Naýryzdy merekeleýdiń jańa tujyrymdamalyq tásilderi ázirlendi», - dedi Nurǵisa Dáýeshov Ortalyq kommýnikatsiialar qyzmetinde ótken baspasóz máslihatynda.
Vitse-ministrdiń aitýynsha, Naýryz meiramyn toilaýdy zaman aǵymyna qarai jańa formatqa aýystyratyn ýaqyt keldi.
«Naýryz tatý kórshilik pen jergilikti qaýymdastyqtardyń merekesi. Bul tujyrymdamany aýlalarda, qoǵamdastyqtarda, otbasylarda toilaýdy oqshaýlap, qazirgi álemniń ýrbanistik jaǵdailaryna beiimdeý usynylady», - deidi ol.
