sýret ashyq derekkózden alyndy
Ishki ister ministri nashaqorlardy anyqtaý úshin skrining engizý qajet ekenin málimdedi, - dep habarlaidy Massaget.kz portaly.
"Ókinishke qarai, búginde stýdentter arasynda esirtki qoldaný derekteri anyqtalyp jatyr, sondyqtan aldaǵy ýaqytta skrining júiesin engizý josparlanǵan", - dedi IIM basshysy.
Ministrdiń aitýynsha, skrining jaǵdaidy obektiv baǵalaýǵa múmkindik beredi jáne esirtkige táýeldilerdi, ásirese jasóspirimder arasynda erte kezeńde anyqtaýǵa múmkindik beredi.
"Biomaterialdar jumysqa ornalasý kezinde, memlekettik qyzmette, júrgizýshi kýáligin alý kezinde tekseriledi. Esirtkini qoldanǵan jaǵdaida (skrining kórsetýi múmkin – esk.).
Bárińizdiń balalaryńyz bar. Búginde sintetikalyq preparattar keń taralǵan jáne ońai qoljetimdi. Bir dozasy 10 myń teńge turady. Olar internet, lombard arqyly jibere alady. Ǵylymi saraptama kórsetkendei, tutyný erte satysynda anyqtalsa, 95 paiyzyn qalypty jaǵdaiǵa qaitarýǵa bolady. Úshinshi kezeńde tek 15 paiyzy ǵana qalypty ómirge orala alady", - dedi Ahmetjanov.
Ishki ister ministrliginiń basshysy mektepterde esirtki túrleriniń kóbeigenin málimdedi.
"Muny jasyrmaimyz. Búginde senimdi esep joq. Biomaterialdardy kásibi saraptamadan ótkizýdi usynamyn. Bul Densaýlyq saqtaý ministrliginiń usynysy, biraq biz ony qoldaimyz. Oqý oryndaryna túskende, jumysqa, memlekettik qyzmetke, áskeri qyzmet", - dedi Marat Ahmetjanov.
Ol biomaterialdardan esirtkini anyqtaýda qylmystyq jáne ákimshilik jaýapkershilik bolmaitynyn qadap aitty. Barlyq aqparat balalardyń ata-analaryna jiberiledi.
"Búgin tańdaýymyz kerek: bizge ne mańyzdyraq, balalarymyz ben qoǵamnyń qaýipsizdigi nemese buny bári bilip qoiady dep qorqamyz ba?" - dedi Ishki ister ministri.
