«Nur-Sultan—Shortandy» avtomobil jolynda mýzykalyq shý týdyratyn jolaqtar ornatyldy. Mundai tehnologiia Qazaqstanda alǵash ret qoldanylyp otyrǵanyn aityp ótken jón, dep habarlaidy "Ult aqparat" QR Indýstriia jáne infraqurylymdyq damý ministrliginiń baspasóz qyzmetine siltememen.
«QazAvtoJol» UK» AQ jasaǵan pilottyq joba jol júrý qaýipsizdigi salasyna jańa tehnologiialardy engizý aiasynda iske qosylǵan. Ony júzege asyrý barysynda Germaniia, Koreia, AQSh pen Japoniia elderiniń tájiribesi eskerildi.
«Mýzykalyq joldar» júrgizýshilerge tótenshe qaýipti ýchastkelerde jyldamdyqty azaitýǵa kómektesedi. Áýen avtokóliktiń dóńgelekteri men sýyq plastikten jasalǵan shý belgisi janasqanda shyǵady. Kólik shý jolaǵynan 90 km/saǵ jyldamdyǵymen júrgen jaǵdaida, áýen dybysty ózgertedi. Osylaisha júrgizýshiniń nazaryn aýdaryp, júrý jyldamdyǵyn azaitýǵa áser etedi.
Eksperimenttiń nátijesi boiynsha «QazAvtoJol» UK» AQ keler jyly ózge de respýblikalyq joldarǵa mýzykalyq jolaqtar ornatpaq.
Shý jolaqtary – bederli syzyqtar túrindegi arnaiy jol belgisi. Mundai jolaqtar jyldamdyqty asyrý, sharshaý men rólde uiyqtap qalý sebebinen bolatyn jol-kólik oqiǵasyn boldyrmaý maqsatynda salynady. Olardyń ústimen ótkende diril paida bolyp, júrgizýshilerdiń jinaqtalýyna kómektesedi.
