Búgin Qarashyǵanaq ken ornyn keńeitý jobasynda jergilikti qamtýdy damytý boiynsha onlain-forým ótti, dep habarlaidy "Ult aqparat".
Energetika ministriniń aitýynsha, búgingi tańda Qazaqstanda úsh jetekshi munai-gaz jobasynda jergilikti qamtýdy damytý boiynsha jemisti jáne maqsatty jumys júrgizilip jatyr. Nurlan Noǵaev QPO gaz boiynsha óndiristik shekteýlerdi alyp tastaý jónindegi jobany sátti aiaqtaǵanyn, sondai-aq gazdy keri aidaýdyń tórtinshi kompressoryn salý boiynsha joba aiaqtalý satysynda ekenin atap ótti.
«Memlekettiń negizgi talaby – jer qoinaýyn utymdy paidalaný jáne qorshaǵan ortaǵa eń az áser etetin paidaly qazbalardy óndirýdi qamtamasyz etý. Bul mindetti Úkimet aldyna Elbasy men Qazaqstan Prezidenti qoiyp otyr», - dedi Nurlan Noǵaev.
Alaida, júrgizilip jatqan jumysqa qaramastan vedomstvo basshysy iri operatorlardan munai-gaz jabdyqtary men qosalqy bólshekterdi satyp alý kezinde taýarlardaǵy qazaqstandyq qamtýdyń tómen kórsetkishterine alańdaýshylyǵyn bildirdi. 2011 jyly Qarashyǵanaq jobasyndaǵy taýarlardyń, jumystar men kórsetiletin qyzmetterdiń satyp alýyndaǵy jergilikti qamtýdyń úlesi shamamen 38% qurady, 2020 jyldyń sońyna qarai kórsetkishter 59% deiin ulǵaidy. Bul rette taýarlardy satyp alý úshin 2021 jylǵy operatsiialyq málimetter boiynsha qazaqstandyq qamtýdyń úlesi nebary 10,08% quraidy.
«Bul tapsyrys berýshilerdiń jergilikti tutynýshylardyń barlyq múmkindikterin tolyq paidalanbaýyna bailanysty. Bul rette, búginde qazaqstandyq kásiporyndardyń kópshiligi munai-gaz salasynda jumys isteitin jer qoinaýyn paidalanýshylar qoiǵan talaptarǵa tolyǵymen sai keledi.
Biz barlyǵymyz osy máseleni sheshý úshin jumys isteýimiz kerek - jergilikti qamtý úlesin arttyrý, sondai-aq sala qyzmetkerleriniń jalaqysynyń barabar deńgeiin belgileý - bul el basshylyǵy men Úkimetiniń tapsyrmasy», - dedi Nurlan Noǵaev.
Aǵymdaǵy jyly Energetika ministrliginiń bastamasy boiynsha Qazaqstanda munai-gaz mashinasyn jasaýdy damytýdyń halyqaralyq ortalyǵy ashyldy. Ol QR aýmaǵynda munai-gaz jabdyǵyn óndirý úshin eleýli qoldaý bolmaq.
«Ortalyq jergilikti qamtýdy arttyrý boiynsha jumysqa jańa oń serpin beredi. Bul bizdiń ministrliktiń jumysyndaǵy strategiialyq baǵyttar men basym mindetterdiń biri, ol únemi baqylaýda», - dep qorytyndylady ministr.
Forýmǵa QR Energetika ministri Nurlan Noǵaevtan bólek, Batys Qazaqstan oblysynyń ákimi Ǵali Esqaliev, QPO bas direktory b.v. Djankarlo Rýiý, biznes, salalyq qaýymdastyqtar jáne taǵy basqalary qatysty.
