Qazaqstannyń birqatar óńirinde múgedektigi bar adamdarǵa elektr jetegi bar kreslo-arba berile bastady. Bul jóninde Eńbek jáne halyqty áleýmettik qorǵaý ministrligi habarlady.
Jyl sońyna deiin oblysta r jáne respýblikalyq mańyzy bar qala lar da eresekter men erekshe qajettiligi bar balalarǵa arnalǵan 1381 arba jetkizý josparlanyp otyr.
Múgedekter arbasyn óndirýshi «Tynys» AQ «Qazaqstan Injiniring» UK enshiles uiymy bolyp tabylady. Taýar óndirý kezinde qazaqstandyq qamtý úlesi 75% quraitynyn atap ótý kerek. Jalpy salmaǵy - 75 keli, júrý qashyqtyǵy - 25 shaqyrymnan asady, júk kóterýi - 140 kelige deiin. Bul - qazaqstandyq konstrýktorlardyń ózderi qurastyrǵan ónim.
Búgingi kúni memlekettik tapsyrysty oryndaý sheńberinde jetkizýshi 817 kreslo-arbany elimizdiń 12 oblysyna (Aqtóbe, Almaty, Atyraý, ShQO, Jambyl, BQO, Qostanai, Qyzylorda, Mańǵystaý, Pavlodar, SQO, Túrkistan) jáne Nur-Sultan, Shymkent qalalaryna jóneltti.
Jyldyń sońyna deiin taǵy 564 elektr jetegi bar kreslo-arbany jetkizý josparlanǵan.
Bul shara erekshe qajettilikteri bar azamattarǵa yńǵaily jáne óz betinshe qozǵalýǵa múmkindik beredi, bul olardyń áleýmettenýin arttyrady.
