Qazaqstandyqtarǵa múgedektik jáne asyraýshysynan aiyrylý jaǵdaiy boiynsha járdemaqy túrinde 195 mlrd teńgeden astam qarajat tólendi, dep habarlaidy "Ult aqparat".
2021 jylǵy qańtar-maýsym ailary aralyǵynda respýblikalyq biýdjetten múgedektigi boiynsha memlekettik áleýmettik járdemaqy tóleýge 154,4 mlrd teńge, asyraýshysynan aiyrylý jaǵdaiyna áleýmettik járdemaqy tóleýge 41,3 mlrd teńge baǵyttaldy.
2021 jylǵy 1 shildedegi jaǵdai boiynsha múgedektigi boiynsha memlekettik áleýmettik járdemaqy alýshylardyń sany 526 myń adamdy, asyraýshysynan aiyrylý jaǵdaiy boiynsha 171 myń adamdy quraidy.
2021 jyldyń maýsym aiynda respýblikalyq biýdjetten múgedektigi boiynsha memlekettik áleýmettik járdemaqy tóleýge 25,6 mlrd teńge, asyraýshysynan aiyrylý jaǵdaiy boiynsha áleýmettik járdemaqy tóleýge 6,9 mlrd teńge jumsaldy.
Múgedektigi boiynsha memlekettik áleýmettik járdemaqylardyń mólsheri múgedektiktiń tobyna jáne sebebine, sondai-aq tiisti qarjy jylyna arnalǵan «Respýblikalyq biýdjet týraly» zańda belgilenetin eń tómen kúnkóris deńgeiiniń shamasyna bailanysty bolady.
Asyraýshysynan aiyrylý jaǵdaiy boiynsha memlekettik áleýmettik járdemaqylardyń mólsheri qaitys bolǵan asyraýshysynyń asyraýyndaǵy adamdardyń sanyna, sondai-aq tiisti qarjy jylyna arnalǵan «Respýblikalyq biýdjet týraly» zańda belgilenetin eń tómen kúnkóris deńgeiiniń shamasyna bailanysty belgilenedi.
2021 jylǵy 1 shildedegi jaǵdai boiynsha múgedektigi boiynsha memlekettik áleýmettik járdemaqynyń ortasha mólsheri 48 701 teńgeni, asyraýshydan aiyrylý jaǵdaiy boiynsha memlekettik áleýmettik járdemaqynyń ortasha mólsheri 40 225 teńgeni qurady.
