Qazaqstandyqtarǵa múgedektik jáne asyraýshydan aiyrylý boiynsha járdemaqy túrinde 32 mlrd teńgeden astam qarajat tólendi, dep habarlaidy "Ult aqparat".
Biylǵy qańtarda respýblikalyq biýdjetten 32,1 mlrd teńge, onyń ishinde múgedektigi boiynsha memlekettik áleýmettik járdemaqy retinde – 25,4 mlrd teńge, asyraýshysynan airylý jaǵdaiyna – 6,7 mlrd teńge tólendi.
1 aqpandaǵy jaǵdai boiynsha, múgedektigi boiynsha memlekettik áleýmettik járdemaqy alýshylardyń sany 521,5 myń adamdy, asyraýshysynan aiyrylý jaǵdaiy boiynsha 165,9 myń adamdy quraidy.
Múgedektik jáne asyraýshydan aiyrylý jaǵdaiy boiynsha memlekettik áleýmettik járdemaqy mólsheri múgedektiktiń toby men sebebine, qaitys bolǵan (qaza tapqan) asyraýshynyń asyraýynda bolǵan adamdardyń sanyna, sondai-aq tiisti qarjy jylyna arnalǵan «Respýblikalyq biýdjet týraly» zańda belgilengen eń tómengi kúnkóris deńgeiine bailanysty bolady.
Múgedektigi boiynsha memlekettik áleýmettik járdemaqynyń ortasha mólsheri - 48 693 teńge, asyraýshydan aiyrylý jaǵdaiy boiynsha memlekettik áleýmettik járdemaqynyń ortasha mólsheri - 40 180 teńge.
