Foto: Pexels.com
2025 jylǵy 1 qańtardan bastap kúshine engen jeńildetilgen erejeler negizinde memlekettik satyp alý rásimderi jedeldetilip, áleýmettik mańyzy bar jobalardy júzege asyrý tiimdiligi artty. Jańa tásilder jobalardyń qunyn ósirý táýekelderin azaitýǵa jáne jergilikti biznesti qoldaýǵa baǵyttalǵan, dep habarlaidy Ult.kz.
2024 jyldyń 1 shildesinde Memleket basshysy «Memlekettik satyp alý týraly» jańa Zańǵa qol qoiǵan bolatyn. Osy zań aiasynda satyp alý merzimderin qysqartýǵa baǵyttalǵan jańa erejeler engizildi.
Negizgi ózgerister:
- Qujattamany talqylaý merzimi 5 kúnnen 2 jumys kúnine deiin qysqartyldy.
- Ótinimderdi qabyldaý ýaqyty 15 kúnnen 5 jumys kúnine deiin azaityldy.
- Ótinimderdi qaraý men qorytyndylaý merzimi 10 kúnnen 3 jumys kúnine deiin qysqardy.
Reitingtik-baldyq júie avtomattandyrylǵan tásildi qoldanýǵa múmkindik berip, satyp alý jeńimpazdary endi 5 jumys kúni ishinde anyqtalady (buryn bul merzim 29 kúndi quraityn).
Jergilikti jetkizýshilerge artyqshylyqtar:
- Shartty jeńildikter 1%-dan 2%-ǵa deiin ulǵaityldy.
- Reitingte jergilikti qurylysshylar qosymsha ball alady.
Alǵashqy jobalar:
-
Aqmola oblysy, Zerendi aýyly
Balalar men jasóspirimder sport mektebiniń qurylysy boiynsha baiqaý 6 jumys kúni ishinde ótkizildi. Joba quny – 2 mlrd teńgeden asady. Qurylys materialdarynyń 90%-y jergilikti óndiristen alynady. -
Batys Qazaqstan oblysy, Jalyn aýyly
Sý qubyrynyń qurylysy boiynsha konkýrs 6 kúnde aiaqtaldy. Jobanyń quny – 785 mln teńge. -
Túrkistan oblysy, Saryaǵash qalasy
Damytý ortalyǵynyń qurylysy boiynsha jobanyń quny – 2,7 mlrd teńge. -
Shymkent qalasy, Bozaryq shaǵyn aýdany
Kópqabatty turǵyn úiler salý jobasynyń quny – 4,9 mlrd teńge. -
Ulytaý oblysy, Myńadyr stansasy
80 oryndyq jańa mektep salý jobasy júzege asyryla bastady.
2025 jyldyń 10 aqpanyna deiin:
- 951,38 mlrd teńgege 282 703 shart jasaldy (ótken jyly osy kezeńde 223,2 mlrd teńgege 165 558 shart jasalǵan).
- Shaǵymdar sany 22%-ǵa tómendedi: 1700-den 1320-ǵa deiin.
Memlekettik satyp alýdaǵy bul oń ózgerister Qazaqstan ekonomikasyna oń áser etip, aimaqtyq biznestiń damýyna serpin beredi.
