QR Premer-Ministri Asqar Mamin jer qoinaýyn paidalaný salasyndaǵy zańnamalyq ózgerister týraly aitty, dep habarlaidy QazAqparat.
«Jer qoinaýy jáne jer qoinaýyn paidalaný týraly» kodeksine ozyq halyqaralyq tájiribeni eskere otyryp, jer qoinaýyn paidalanýdy quqyqtyq retteýdiń jańa ádisteri men tetikteri engizildi», - dep jazdy Asqar Mamin depýtattyq saýalǵa bergen jaýabynda.
Atap aitqanda, Kodekste mynadai tujyrymdamalyq ózgerister engizildi:
- Aýstraliialyq modeldiń úlgisi boiynsha «Birinshi kelgen – birinshi bolyp alady» qaǵidatyna negizdelgen litsenziialyq tártip engizý,
- Paidaly qazbalardyń túrlerin jáne jiktelimin belgileý;
- Qordy baǵalaýdyń halyqaralyq tártibine kóshý;
- Geologiialyq aqparatqa ashyq qol jetkizýdi usyný,
- Ekologiialyq qaýipsizdikti qamtamasyz etý úshin jer qoinaýyn paidalaný saldaryn joiý jónindegi erejelerdi kúsheitý.
«Zańnamadaǵy atalǵan jańalyqtar memlekettiń jer qoinaýyn paidalaný salasyn «nusqamalyq baqylaýdan» bas tartýǵa jáne jer qoinaýyn paidalanýshylardyń adaldyǵy qaǵidatyna kóshýge múmkindik berdi. Jer qoinaýyn paidalaný týraly zańnamaǵa turaqty monitoring jáne onyń jekelegen normalaryn jetildirý júrgizilýde», - dep atap ótti Premer-Ministr.
Onyń aitýynsha, búgingi tańda Úkimet bastamashy bolǵan túzetýler aiasynda qoldanystaǵy zańnamaǵa mynadai ózgerister engizý boiynsha jumys júrgizilýde:
1) memlekettik jer qoinaýy qoryn basqarý baǵdarlamasyn (MTQB) bekitý rásimin reglamentteý, merzimderin ońtailandyrý jáne ashyqtyǵyn qamtamasyz etý;
2) jer qoinaýyn paidalanýdyń kapitaldy kóp qajet etetin teńiz jobalaryna investor tartý jáne ishki naryqqa munai jetkizýshi investorlar men memleket múddeleriniń arasyndaǵy teńgerimdi saqtaý úshin Kaspii jáne Aral teńizderiniń qazaqstandyq sektorlarynda ornalasqan jer qoinaýyn paidalanýshylardy munai jetkizý jónindegi mindettemelerden bosatý;
3) ulttyq kompaniialardyń Jer qoainaýyn padalaný kodeksiniń 278-baby 8-tarmaǵynda kózdelgen qatty paidaly qazbalar boiynsha iri investorlardy tartýdy júzege asyrýǵa múmkindik beretin jer qoinaýyn paidalaný quqyǵyn 2026 jylǵy 1 qańtarǵa deiingi merzimge uzartý;
4) Indýstriia jáne infraqurylymdyq damý ministrliginen, ýrandy jáne keń taralǵan paidaly qazbalardy óndirý jónindegi operatsiialardy qospaǵanda, qatty paidaly qazbalardy barlaý jáne óndirý jónindegi operatsiialardyń júrgizilýine memlekettik baqylaý jónindegi fýnktsiialardy ekologiia, geologiia jáne tabiǵi resýrstar ministrliginiń qaramaǵyna berý;
5) biýdjet qarajatynyń tiimsiz jumsalýyn bolǵyzbaý úshin biýdjet qarajaty esebinen geologiialyq barlaý júzege asyrylatyn obektilerdiń jobalaý-smetalyq qujattamasyna ekonomikalyq saraptama engiziledi.
Zań jobasyn Parlamentke 2022 jyldyń qańtarynda engizý josparlanǵan.
