Astana memlekettik qyzmet haby «Memlekettik kommýnikatsiiadaǵy jasandy intellekt» tsifrlyq nusqaýlyǵyn shyǵardy. Bul – memlekettik sektordaǵy baspasóz hatshylary men qoǵammen bailanys mamandaryna arnalǵan osyndai alǵashqy praktikalyq qural.
Qujat 14-16 mamyrda Astanada ortalyq jáne jergilikti memlekettik organdardyń 50-den astam baspasóz hatshysy men baspasóz qyzmetkeri qatysqan seminar-praktikým materialdary negizinde daiarlandy. Anyqtamalyqta JI paidalaný boiynsha naqty qadamdar kórsetilip, saraptalǵan JI quraldary men tehnologiialardy qazirgi jaǵdaida etikalyq turǵyda, qaýipsiz ári tiimdi qoldaný boiynsha naqty usynystar qamtylǵan.
Memlekettik qyzmetshilerdiń jumysyna jasandy intellektti engizý kúndelikti tapsyrmalardy avtomattandyrýǵa, kommýnikatsiiany ár jeke tulǵaǵa baǵyttai otyryp, qurýǵa, qoǵamdyq pikirdi taldaýdy jaqsartýǵa múmkindik beredi. Bul óz kezeginde azamattardyń memlekettik institýttarǵa degen senimin arttyrady.
Nusqaýlyqta JI memlekettik sektorǵa tabysty integratsiialaý keisteri berilgen. Estoniiadaǵy Bürokratt jobasy memlekettik qyzmetterge jappai qol jetkizetin biryńǵai tsifrlyq ortaq arna jasaýǵa kómektesse, Frantsiia azamattardyń milliondaǵan ótinishterin óńdeýdi derbes jasandy intellekt Albert arqyly jetildirýde. Al Grýziiadaǵy Úkimet janyndaǵy Jasandy intellekt keńsesi chat-bottar, boljamdy taldaý júieleri jáne memlekettik kommýnikatsiiadaǵy etikalyq standarttardy engizý jumystarymen ainalysady.
Seminar sarapshylary júrgizgen bastapqy saýalnamalar men taldaýlar nátijesinde jasandy intellekt quraldaryn engizý memlekettik qyzmetshilerge monitoring pen kontent ázirleýge jumsalatyn ýaqytty 60–70%-ǵa qysqartýǵa, kúndelikti protsesterdi avtomattandyrýdy aptasyna 5 saǵatqa deiin etip, jalpy kommýnikatsiiany jaqsartýǵa múmkindik beretini anyqtaldy.
Nusqaýlyq Astana memlekettik qyzmet habynyń tapsyrysy boiynsha Grýziia men Qazaqstan sarapshylary qatysýymen ázirlendi. Ol jasandy intellektti óz qyzmetine integratsiialaýdy kózdeitin memlekettik qyzmetshilerge arnalǵan jáne etikalyq normalar, ashyqtyq qaǵidattary men mádeni konteksti eskerý talaptaryna sai keledi.
