Qazaqstan Respýblikasynda meditsinalyq esep qujattamasy ońtailandyrylady, dep habarlaidy "Ult aqparat" Densaýlyq saqtaý ministrliginiń baspasóz qyzmetine silteme jasap.
Qazaqstannyń densaýlyq saqtaý uiymdarynda meditsinalyq qujattamany qaǵazsyz júrgizý sheńberinde eseptik qujattamanyń 85% astamy (155 nysannyń 132-si) elektrondyq formatqa aýystyryldy.
«Elektrondyq meditsinalyq anyqtamalar men qujattarǵa kóshý Densaýlyq saqtaýdy damytý respýblikalyq ortalyǵy men Densaýlyq saqtaý ministrliginiń «Densaýlyq saqtaý uiymdarynyń bastapqy meditsinalyq qujattama nysandaryn bekitý týraly» 2010 jylǵy 23 qarashadaǵy №907 buiryǵyna ózgeris engizý boiynsha birlesken jumysynyń arqasynda júzege asyryldy» delingen habarlamada.
Basqa vedomstvolarmen integratsiialaý múmkindiginiń bolmaýyna bailanysty 23 eseptik nysan qaǵaz túrinde (densaýlyq jaǵdaiy týraly qorytyndylar, áskerge shaqyrylýshylardyń kartalary, saýyqtyrý lageri men sanatoriilerge anyqtamalar men joldamalar, júkti áieldi basqa jumysqa aýystyrý týraly dárigerlik qorytyndy, aiyrbastaý kartasy jáne basqalar) júrgiziledi. Meditsinalyq qujattamany qaǵazsyz jáne tsifrlyq júrgizýge tolyq kóshý 2022 jylǵa josparlanyp otyr.
Budan basqa, densaýlyq saqtaý uiymdarynyń jumysyn ońtailandyrý maqsatynda meditsinalyq esepke alý qujattamasynyń 126 nysany alynyp tastaldy, bastapqy meditsinalyq qujattama sany 44,8% qysqardy.
