قازاقستان رەسپۋبليكاسىندا مەديتسينالىق ەسەپ قۇجاتتاماسى وڭتايلاندىرىلادى, دەپ حابارلايدى "ۇلت اقپارات" دەنساۋلىق ساقتاۋ مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
قازاقستاننىڭ دەنساۋلىق ساقتاۋ ۇيىمدارىندا مەديتسينالىق قۇجاتتامانى قاعازسىز جٷرگٸزۋ شەڭبەرٸندە ەسەپتٸك قۇجاتتامانىڭ 85% استامى (155 نىساننىڭ 132-سٸ) ەلەكتروندىق فورماتقا اۋىستىرىلدى.
«ەلەكتروندىق مەديتسينالىق انىقتامالار مەن قۇجاتتارعا كٶشۋ دەنساۋلىق ساقتاۋدى دامىتۋ رەسپۋبليكالىق ورتالىعى مەن دەنساۋلىق ساقتاۋ مينيسترلٸگٸنٸڭ «دەنساۋلىق ساقتاۋ ۇيىمدارىنىڭ باستاپقى مەديتسينالىق قۇجاتتاما نىساندارىن بەكٸتۋ تۋرالى» 2010 جىلعى 23 قاراشاداعى №907 بۇيرىعىنا ٶزگەرٸس ەنگٸزۋ بويىنشا بٸرلەسكەن جۇمىسىنىڭ ارقاسىندا جٷزەگە اسىرىلدى» دەلٸنگەن حابارلامادا.
باسقا ۆەدومستۆولارمەن ينتەگراتسييالاۋ مٷمكٸندٸگٸنٸڭ بولماۋىنا بايلانىستى 23 ەسەپتٸك نىسان قاعاز تٷرٸندە (دەنساۋلىق جاعدايى تۋرالى قورىتىندىلار, ەسكەرگە شاقىرىلۋشىلاردىڭ كارتالارى, ساۋىقتىرۋ لاگەرٸ مەن ساناتورييلەرگە انىقتامالار مەن جولدامالار, جٷكتٸ ەيەلدٸ باسقا جۇمىسقا اۋىستىرۋ تۋرالى دەرٸگەرلٸك قورىتىندى, ايىرباستاۋ كارتاسى جەنە باسقالار) جٷرگٸزٸلەدٸ. مەديتسينالىق قۇجاتتامانى قاعازسىز جەنە تسيفرلىق جٷرگٸزۋگە تولىق كٶشۋ 2022 جىلعا جوسپارلانىپ وتىر.
بۇدان باسقا, دەنساۋلىق ساقتاۋ ۇيىمدارىنىڭ جۇمىسىن وڭتايلاندىرۋ ماقساتىندا مەديتسينالىق ەسەپكە الۋ قۇجاتتاماسىنىڭ 126 نىسانى الىنىپ تاستالدى, باستاپقى مەديتسينالىق قۇجاتتاما سانى 44,8% قىسقاردى.
