Ulttyq Bank 2021 jyldyń 23 aqpanynan bastap «Respýblika igiligi» monetalar seriiasynan «MEDEÝ» kollektsiialyq monetasy satylymǵa shyǵatynyn málim etti, dep habarlaidy "Ult aqparat".
Qalyptasqan epidemiologiialyq jaǵdai aiasynda halyqtyń qaýipsizdigin qamtamasyz etý maqsatynda MEDEÝ kollektsiialyq monetalaryn onlain-satý jáne jetkizý Ulttyq banktiń internet-dúkeniniń jańartylǵan platformasy arqyly júzege asyrylady.Tapsyrystardy óńdeý belgili bir ýaqytty qajet etetindikten, monetalardy satý birneshe kúnge bólinedi.
«MEDEÝ» monetasy dizainynyń tujyrymdamasy ataqty bógettiń jáne «jarylystan týyndaǵan» muz aidynynyń paida bolý tarihyn sýretteidi.
Moneta dizainynyń grafikalyq tujyrymdamasy búkil álemge áigili «Medeý» biik taýly muz aidynyn qorshaǵan Ile Alataýynyń jartasty taýlaryn allegoriialyq qabyldaý negizinde jasalǵan.
Monetalar altyn jalatylǵan kúmisten jasalǵan. Onyń massasy 24 gramm, diametri 37 mm, proof sapasymen, taralymy 3 000 (úsh myń) danada daiyndaldy. Monetalar kollektsiialyq quny boiynsha satýǵa arnalǵan.
Monetanyń aversinde ortalyq bóliginde «QAZAQSTAN RESPÝBLIKASY» jazbasynyń, moneta nominalyn jáne moneta daiyndalǵan metaldy, onyń synamasy men massasyn bildiretin jazbalardyń qorshaýynda QR Memlekettik Eltańbasy beinelengen.
Monetanyń reversinde ortasynda jartasty taýlar aiasynda biik taýly «Medeý» muz aidynynyń beinesi ornalasqan. Monetany ainaldyra jalpaq jiekte mynadai bederli jazýlar ornalasqan: monetanyń soǵylǵan jyly, muz aidynynyń resmi ashylǵan jyly, belgilengen álemdik rekordtar sany, teńiz deńgeiinen biiktigi jáne muz aidynynyń jáne onyń ornalasqan jeriniń memlekettik tildegi,orys jáne aǵylshyn tilderindegi ataýy.
Nominaly 500 teńgelik kollektsiialyq monetalar tólemderdiń barlyq túrleri boiynsha Qazaqstan Respýblikasynyń búkil aýmaǵynda olardyń belgilengen qunymen qabyldanýǵa, sondai-aq bank shottaryna esepke alynýǵa jáne aýdarylýǵa mindetti, Qazaqstan Respýblikasynyń barlyq bankterinde shekteýsiz usaqtalady jáne aiyrbastalady.
Kúmisten jasalǵan monetalar kádesyilyq oramda shyǵarylady jáne Qazaqstan Respýblikasy Ulttyq bankiniń memlekettik tildegi, orys jáne aǵylshyn tilderindegi nómirlik sapa sertifikatymen jabdyqtalǵan.
Kollektsiialyq monetalar Qazaqstannyń teńge saraiynda daiyndaldy.
