Foto: astanatv.kz
Food Solutions KZ bas direktory Áset Mashanov buryn McDonald's brendimen jumys istegen fastfýd meiramhanalary jelisiniń jańa ataýyna qatysty pikir bildirdi, - dep habarlaidy Massaget.kz portaly.
"Biz qazir jergilikti brendti damytyp jatyrmyz. Endigi mindetimiz – meiramhanalardyń jumysyn jańa brendpen qalpyna keltirý. Múmkin, qazir brendsiz, keiinirek jańa brendpen jumys istemekpiz. Óitkeni biz eki myńǵa jýyq jumys ornyn qamtamasyz etemiz. Biz qyzmetkerlerimizge budan ary da jalaqy tólei beremiz, barlyq eńbek shartyn oryndaimyz. Jumys jalǵasa berýi úshin bárin qaita jańǵyrtýymyz kerek. Bul - basty mindet", - dedi Qairat Boranbaevqa qatysty sot otyrysynda Food Solutions KZ bas direktory Áset Mashanov.
Onyń aitýynsha, kompaniia ujymy qazir jelidegi saýda núkteleriniń jumysyn qalpyna keltirý úshin jańa ataý tańdap jatyr. Sonymen qatar, Food Solutions KZ jetkizýdiń barlyq sharty oryndalǵan jaǵdaida McDonald's brendin qaitarý múmkindigin joqqa shyǵarmaidy.
Sondai-aq Áset Mashanov meiramhanalardyń jańa brendiniń reseilik "Vkýsno i tochka" kompaniialarymen esh bailanysy bolmaitynyn aitty.
"Onyń bizge qatysy joq. "Vkýsno i tochka" - reseilik jeli. Eger ol reseilik jeli bolmasa, bizde olai atalýy múmkin emes. Osy jeli bolady degen máseleni qarastyrmaimyz", - dedi bas direktor.
