فوتو: astanatv.kz
Food Solutions KZ باس ديرەكتورى ەسەت ماشانوۆ بۇرىن McDonald's برەندٸمەن جۇمىس ٸستەگەن فاستفۋد مەيرامحانالارى جەلٸسٸنٸڭ جاڭا اتاۋىنا قاتىستى پٸكٸر بٸلدٸردٸ, - دەپ حابارلايدى Massaget.kz پورتالى.
"بٸز قازٸر جەرگٸلٸكتٸ برەندتٸ دامىتىپ جاتىرمىز. ەندٸگٸ مٸندەتٸمٸز – مەيرامحانالاردىڭ جۇمىسىن جاڭا برەندپەن قالپىنا كەلتٸرۋ. مٷمكٸن, قازٸر برەندسٸز, كەيٸنٸرەك جاڭا برەندپەن جۇمىس ٸستەمەكپٸز. ٶيتكەنٸ بٸز ەكٸ مىڭعا جۋىق جۇمىس ورنىن قامتاماسىز ەتەمٸز. بٸز قىزمەتكەرلەرٸمٸزگە بۇدان ارى دا جالاقى تٶلەي بەرەمٸز, بارلىق ەڭبەك شارتىن ورىندايمىز. جۇمىس جالعاسا بەرۋٸ ٷشٸن بەرٸن قايتا جاڭعىرتۋىمىز كەرەك. بۇل - باستى مٸندەت", - دەدٸ قايرات بورانباەۆقا قاتىستى سوت وتىرىسىندا Food Solutions KZ باس ديرەكتورى ەسەت ماشانوۆ.
ونىڭ ايتۋىنشا, كومپانييا ۇجىمى قازٸر جەلٸدەگٸ ساۋدا نٷكتەلەرٸنٸڭ جۇمىسىن قالپىنا كەلتٸرۋ ٷشٸن جاڭا اتاۋ تاڭداپ جاتىر. سونىمەن قاتار, Food Solutions KZ جەتكٸزۋدٸڭ بارلىق شارتى ورىندالعان جاعدايدا McDonald's برەندٸن قايتارۋ مٷمكٸندٸگٸن جوققا شىعارمايدى.
سونداي-اق ەسەت ماشانوۆ مەيرامحانالاردىڭ جاڭا برەندٸنٸڭ رەسەيلٸك "ۆكۋسنو ي توچكا" كومپانييالارىمەن ەش بايلانىسى بولمايتىنىن ايتتى.
"ونىڭ بٸزگە قاتىسى جوق. "ۆكۋسنو ي توچكا" - رەسەيلٸك جەلٸ. ەگەر ول رەسەيلٸك جەلٸ بولماسا, بٸزدە ولاي اتالۋى مٷمكٸن ەمەس. وسى جەلٸ بولادى دەگەن مەسەلەنٸ قاراستىرمايمىز", - دەدٸ باس ديرەكتور.
