QR Bas Prokýrorynyń orynbasary Marat Ahmetjanov elimizdegi qylmys ahýaly týraly, sondai-aq qylmystyq, qylmystyq-protsestik zańnamany jetildirý boiynsha QR Zańynyń negizgi novellalary týraly aityp berdi, dep habarlaidy "Ult aqparat".
Atalǵan zańǵa QR Prezidenti 2019 jyldyń 28 jeltoqsanynda qol qoidy.
«Jańa Zań boiynsha Qylmystyq Kodekstiń 188-1-baby engiziledi, onda mal urlyǵy úshin jazanyń eń uzaq merzimi - 12 jylǵa deiin bas bostandyǵynan aiyrý qarastyrylǵan. Iaǵni, mal urlyǵy aýyr qylmystar qataryna aýystyrylady, onda qaitalanǵan qylmystar úshin tatýlasý bolmaidy. Qylmystyq top quramynda jáne asa iri kólemde jasalǵan qylmys úshin jaza kúsheitilip, 12 jylǵa deiin bas bostandyǵynan aiyrý jazasy kózdeledi», - dedi Marat Ahmetjanov QR Prezidenti janyndaǵy Ortalyq kommýnikatsiialar qyzmetinde ótken baspasóz máslihatynda.
Bas prokýror orynbasary mal urlyǵy máselesine Prezidenttiń erekshe nazar aýdarǵanyn jetkizdi.
«Kóptegen pýnkt boiynsha mal urlyǵyn aýyr qylmys sanatyna jatqyzýǵa bolady. Jaǵdaidy saralai kele, mal urlyǵynyń jeke kásipke ainalǵanyn, oǵan kóptegen adamdardyń qatysatynyn kórdik», - dedi M. Ahmetjanov.
